Tags-Abad

hayāt ban ga.ī thī jin meñ ek ḳhvāb-e-hayāt
are davām-o-abad the vahī to kuchh lamhāt

ham apnā lamha-e-hastī abad banā laa.e
na.e azal kā magar intizār baaqī hai

haiñ vajūd-e-shai meñ pinhāñ azal o abad ke rishte
yahāñ kuchh nahīñ do roza koī shai nahīñ hai faanī

vaj.h-e-davām fitrat-e-ġham hī nahīñ faqat
dil bhī azal-tarāz abad-āshnā milā

azal se hotī aa.ī hai abad tak hotī jā.egī
gunahgār-e-vafā par jis qadar bhī ho jafā kam hai

magar kyā ḳhabar
vo azal se abad tak isī kaifiyat meñ rahe

ham ek ahd-e-abad-yāb kā kharā sach haiñ
hamāre saath hamārā ye jhuuT jā.egā

uTho jalā ke mai-e-surḳh se charāġh-e-abad
nashāt-e-sohbat-e-shab ko hazār-sāla kareñ

kab tak koī kartā phire kirnoñ kī gadā.ī
zulmat kī kaḌī dhuup to Dastī hai abad tak

kuchh fāsle aise haiñ jo tai ho nahīñ sakte
jo log ki bhaTke haiñ vo bhaTkeñge abad tak

maiñ sho.ala-e-iz.hār huuñ kotāh huuñ qad tak
vus.at mirī dekho to hai dīvār-e-abad tak

abad talak ke manāzir sameT lete haiñ
zarā sī aañkh ko zambīl karne vaale log

azal nahīñ hai abad nahīñ hai
ye ik safar hai ki had nahīñ hai

badal rahā ho zamāna magar jahān-e-tamannā
tire liye to abad tak bhī sāzgār hai aa jā

ek sannāTā abad-tābā-abad
johd-e-yak-umr kā hāsil Thahre

umr-e-abad kā mā-hasal ishq kā daur-e-nā-tamām
haa.e vo mastī-e-sahar haa.e vo be-ḳhudī-e-shām

abad abad se mirī ḳhud se jañg jaarī hai
ye ḳhair-o-shar kī balā mujh se dū-badū hī rahī

maiñ ek aise zamāne meñ basnā chāhtā huuñ
zamāna jis kā ta.alluq azal abad se na ho

abad ke samundar kī ik mauj jis par mirī zindagī kā kañval tairtā hai
kisī an-sunī dā.imī rāgnī kī koī taan āzurda āvāra barbād

thartharātī rahe ab ḳhvāh hamā-vaqt zamīñ
so ga.e ḳhāk-e-abad oḌh ke sone vaale