Tags-Abad

ham se vo ajnabī aur un se the anjāne ham
tā-abad yuuñ hī mohabbat ye farāmosh rahī

'najīb' jin ko ġharaz ho na kuchh zamāne se
unhī ke saath abad tak zamāne chalte haiñ

azal abad se bahut duur jhūmte the ham
kisī ke dhyān meñ kuchh din ko jā base the ham

tumhārī qaid-e-vafā se jo chhūT jā.ūñgā
azal se le ke abad tak maiñ TuuT jā.ūñgā

haiñ azal tā abad TūTte ā.īne
āgahī ne kahāñ lā ke maarā mujhe

kyā azal se pahle thā kyā abad se aage hai
dekhte haiñ ye parda kab kahāñ girāte ho

hazār sifr sahī ik adad to ham bhī haiñ
tumhāre saath azal-tā-abad to ham bhī haiñ

pal qayāmat ke sūd-ḳhvār haiñ 'jaun'
ye abad kī kamā.ī karte haiñ

azal bābīl raavī ḳhuun aadam
abad qābīl saanī be-yaqīnī

azal ḳhālī ḳhalā anjām āḳhir
abad ābād faanī be-yaqīnī

vo ek lamha azal-tā-abad vahī lamha
vo mujh se kuchh na kahe maiñ bhī us se kuchh na kahūñ

tarāshe shahr maiñ ne 'baḳhsh' kyā kyā
magar ḳhud tā-abad be-ghar rahā huuñ

koī bhī chiiz rahnī nahīñ tā-abad yahāñ
naqsha hai is jahān kā saarā ġhalat ġhalat

ye qabl o ba.ad ke us paar kī hikāyat hai
mirā davām azal aur abad nahīñ rakhtā

is ḳhajālat ne abad tak mujhe sone na diyā
hijr meñ lag ga.ī thī ek ghaḌī merī aañkh

ye rahravān-e-zindagī ḳhabar nahīñ kahāñ ga.e
vo kaun sā jahān hai azal nahīñ abad nahīñ

na bayāñ ho jo mile sub.h-e-azal shām-e-abad
hashr hai beach kā TukḌā mire afsāne kā

mire azal aur abad meñ nahīñ hai fasl koī
abhī shurūa abhī ḳhatm ho gayā huuñ maiñ

baḳhshā shab-e-firāq ko dil ne abad kā tuul
shab bhar lahūluhān rahā mar nahīñ gayā

ye jo ārzūoñ kā des hai ye jo ḳhaak ḳhaak sā bhes hai
jo azal abad kā ye bhed hai use bhed hī meñ batā piyā