Collections

Lab Shayari

Motivational Ghazals

Best Khamoshi Shayari

More Collections

Tags-Abad

dasht-e-azal se dasht-e-abad tak chhān chukā meñ ḳhaak
aur kahāñ le jā.eñge ab bhaTkāne alfāz

duniya mein kuchh apne hain kuchh begane alfaz

azal se tā-ba-abad ek hī kahānī hai
isī se ham ko na.ī dāstāñ banānī hai

azal se ta-ba-abad ek hi kahani hai

aap kā raushan rahegā tā-abad duniyā meñ naam
qaum ke sab naunihāloñ ko hai sayyad kā payām

sarsayyad ahmad KHan

mirī hastī nahīñ mahdūd hargiz chand lamhoñ tak
azal se tā-abad jaarī rahegā silsila merā

har ek ke tajarbe se muKHtalif hai tajraba mera

azal the hai muje ḳhūbāñ suuñ iḳhlās
abad lag muj hai mahbūbāñ suuñ iḳhlās

azal the hai muje KHuban sun iKHlas

dard kī aañch abad tak hai kisī ruup meñ ho
aaj ke phuul ko ā.inda ke ḳhāshāk na kah

kitni der aur hai ye bazm-e-tarab-nak na kah

'māmūn' azal se tā-abad nahīñ hai koī raushnī
ḳhalā meñ duur duur tak bas ik aziim raat hai

na nind hai na KHwab hai na yaad hai na raat hai

hazār rañg meñ dekhā hai mujh ko duniyā ne
azal se tā-ba-abad nashsha-e-varūd meñ huuñ

KHarab-e-ishq sahi aalam-e-shuhud mein hun

ham yuuñ ravāñ hoñ rāh-e-abad meñ ki sadd-e-rāh
mustaqil-e-vajūd na māzī-o-hāl ho

ai dil sharik-e-taifa-e-wajd-o-haal ho

likhnā thā jo kuchh aap ko pahle hī likh diyā
hāl-e-abad bhī daftar-e-roz-e-azal meñ hai

tasir jazb maston ki har har ghazal mein hai

dast-e-junūñ ne phaaḌ ke pheñkā idhar-udhar
dāman abad meñ hai to garebāñ azal meñ hai

tasir jazb maston ki har har ghazal mein hai

khulte jaate haiñ kā.enāt ke bhed
jo azal hai vahī abad hai yahāñ

kaun hai nek kaun bad hai yahan

ishq chaltā hai tā-abad lekin
zindagī saath chhoḌ jaatī hai

hijr ki raat chhoD jati hai

sub.h-e-azal se tā-abad qissa na hogā ye tamām
jaur-e-falak kī dāstāñ aisī bhī muḳhtasar nahīñ

sang-e-jafa ka gham nahin dast-e-talab ka Dar nahin

qaa.em hue diloñ ke abad-mauj rābte
ik jumbish-e-nazar meñ ġham-e-do-jahāñ gayā

ek be-sabaat aks bana be-nishan gaya

tā-abad ḳhālī rahe yā-rab diloñ meñ us kī jā
jo koī laave mire ghar us ke aane kī ḳhabar

qasid-e-KHush-fal laya uske aane ki KHabar

vaqt apnā zar-ḳharīd thā hañgām-e-mai-kashī
lamhe ko tuul de ke abad ham ne kar diyā

saghar uTha ke zohd ko rad humne kar diya

usī kā naam azal hai usī kā naam abad
vo ek raat jo phūloñ ke darmiyāñ guzrī

kabhi gulon kabhi Khaaron ke darmiyan guzri

na jaane kaun thā dasht-e-azal-abad meñ 'nisār'
jo apne aap se miltā to kyuuñ bichhaḌtā maiñ

main chob-e-KHushk sahi waqt ka hun sahra mein

pas-e-dīvār-e-abad dekh rahā huuñ ai dost
merī āñkhoñ meñ mire ahd kī bīnā.ī hai

KHalwat-e-zat hai aur anjuman-arai hai