Tags-Abad

maiñ ik daf.a tujhe chūmūñ to tere ḳhvāboñ meñ
kisī bhī mard kā chehrā na tā-abad aa.e

azal ek pal meñ abad ban gayā hai
adam is tasavvur pe jhunjhlā rahā hai

abad talak hue ham us ke vasvasoñ ke asiir
kiyā thā jis pe kabhī e'tibār ek minute

makīñ kaunain meñ ho fil-haqīqat lā-makāñ bhī ho
azal se tā-abad qaa.em ayaañ bhī ho nihāñ bhī ho

maiñ qatra huuñ lekin ba-āġhosh-e-dariyā
azal se abad tak bahā jā rahā huuñ

kyuuñ nahīñ aks-e-abad meñ bhī samundar jaisā
naqsh-bar-āb huuñ ḳhāliq se gilā rakhtā huuñ

haal thā haal na maazī thā na thā mustaqbil
az-azal tā-ba-abad jalva-ba-ra.anā.ī thā

shām-e-abad ko jalva-e-sub.h-e-bahār de
rūdād chheḌ zindagī-e-be-sabāt kī

shām-e-abad tak Takrāne kā izn nahīñ hai donoñ ko
chāñd usī par garm-e-safar hai jo sūraj kā rasta hai

rakkhā jināñ meñ bhī hameñ maġhmūm tā-abad
iqrār ham se le ke hamāre gunāh kā

haañ āḳhirash abad-e-ishtirāk-e-ḳhāk milā
go ham rahe safar-e-āsmān-e-fānī meñ

yuuñ to apne hī andar kā sach aur vo sach hai are tā-abad tujh ko kaafī hai
kal kī jānib se is be-yaqīnī ke saare avāriz kā shāfī hai

ye abad kā gilā
ye abad kā gilā

maañ kī āġhosh meñ hañstā huā ik tifl-e-jamīl
jis tarah zehn-e-azal meñ ho abad kī taḳhīl

mī.ād-e-davām-o-abad ik niiñd hai us kī
ham muntahī-e-jalva-e-jānāñ haiñ abhī se

muhīb rātoñ ke jañgaloñ meñ abad ke jaisā sukūt ho jab
lahū kā apne diyā jalānā aur apnā chehra kitāb rakhnā

maiñ ne kahā ki bahār-e-abad kā koī surāġh
us ne kahā ta.āqub-e-lāla-e-ruḳhāñ karo

abad qarār duuñ chāhat kī har nishānī ko
maiñ tere pyaar ko sarmāya-e-azal likhūñ

manzil-e-giryā kahāñ hai chashm-e-tar ko kyā ḳhabar
tā-abad bhaTegā mere āñsuoñ kā kārvāñ

be-ḳhatā thā husn har jaur-o-jafā ke ba.ad bhī
ishq ke sar tā-abad ilzām hī ilzām thā