Tags-Abad

ik haqīqat hī haqīqat hai azal ho ki abad
vaise afsānoñ ke unvān badal jaate haiñ

'razā' jo guzrā to kuchh raushnī bhī chhoḌ gayā
vo ik sharar thā jo andesha-e-abad meñ rahā

abad ke dosh pe sū-e-azal chale haiñ ki ham
nayā hī naqsh koī dahr kā banāte haiñ

azal se ik hasīñ ḳhushbū ke dīvāne parinde
abad tak 'kaif' dasht-e-rañg meñ bhaTke parinde

abad tak mukammal na ho pā.egī
shab-e-ġham kī ye dāstāñ hai miyāñ

abad ke sāhiloñ par
yā azal kī jalva-gāhoñ meñ

niiñd aa chalī hai anjum-e-shām-e-abad ko bhī
aañkh ahl-e-intizār kī ab tak lagī nahīñ

ism-e-abad kī talāsh-e-tavīl
husn-e-shuru-e-gumāñ aur maiñ

kis jī se bhulā.ūñgā tujhe ai ruḳh-e-jānāñ
tā-roz-e-abad mujh ko tirī yaad rahegī

azal se us pe rahmat hai abad tak us pe rahmat ho
raqam hai ḳhatt-e-jām-e-bāda meñ taqdīr-e-mai-ḳhāna

ḳhizr zinda hai magar zindānī-e-umr-e-abad
ai ajal kis kaam kī aisī hayāt-e-jāvidāñ

tere azal abad ke kināroñ ke darmiyāñ
kartī hai bāzgasht jo aisī sadā huuñ maiñ

jabīn-e-vaqt par likkhī huī sachchā.iyāñ raushan rahī haiñ
tā-abad raushan raheñgī

jo intizār abad tak hai jism-o-jāñ ke firāq
jo ho sake to ab is raat ko abad se milā

azal abad meñ Thanī hai so maiñ nikaltā huuñ
mirī kaḌī se tirā silsila ḳharāb na ho

uThī huī mire sar par azal se hai talvār
khiñchī huī hai abad se kamāñ mire pīchhe

azal lā-yazal abad be-badal jo bane āj-kal ufuq-sad-amal
na kahīñ the ḳhafī na kahīñ the jalī na koī thā nishāñ na koī naam thā

kuchh shab-o-roz-o-mah-o-sāl guzar kar mujh par
vaqt ne tā-ba-abad ḳhud pe guzārā mujh ko

''hayāt-e-dā.imī'' likkhā huā hai jin ke aivāñ par
iram-zār-e-abad hai sāya-zan jin ke ḳhayābāñ par

tā-abad kitne añdhere the ki raushan ho ga.e
sham.a kā jalnā ba-zāhir raat bhar kī baat hai