Tags-Abad

kahkashāñ kī samt uThne the abad-paimā qadam
jānib-e-sayyār tayyāra ravāñ honā hī thā

vaqt ke sahrā meñ tum pāoge mere naqsh-e-pā
maiñ azal se tā-abad ik silsila ho jā.ūñgā

har lamha tere ishq meñ umr-e-abad banā
jo din bhī zindagī ke mile aarzī na the

maiñ azal tā-ba-abad aur abad tā-dā.im
is kā matlab maiñ kisī ek zamāne kā nahīñ

azal se tā-ba-abad jast ek saa.at kī
yahī bas arsa-e-kār-e-jahāñ hai yā kuchh aur

phirte rahe azal se abad tak udaas ham
aa.e na inqilāb-e-zamāna ko raas ham

har ik parind rahe tā-abad yahāñ shādāb
isī liye maiñ shajar bhī harā banātā huuñ

maiñ huuñ pur-sukūñ azal se maiñ huuñ pur-sukūñ abad tak
magar aañkh kah rahī hai nahīñ tujh se āshnā.ī

is ḳhajālat ne abad tak mujhe sone na diyā
hijr meñ lag ga.ī thī ek ghaḌī merī aañkh

ik samāñ suhānā chhāyā rahtā hai dhartī se ākāsh ke beach
dil se āñkhoñ tak azal abad kī vus.at meñ

azal meñ jo ik laag tujh se huī
vo āḳhir ko dāġh-e-abad ho ga.ī

shāḳh-e-abad se jhaḌte zamānoñ kā ruup hai
ye log jin ke ruḳh pe gumān-e-chaman paḌe

lahad meñ in ko abad kī ik gahrī niind meñ ġharq kar ke aao
agar ye murde lahad ke andar ga.e to shāyad

ik lamhe ne mujh se kahā thā tū hī azal hai tū hī abad hai
lamha biitā baat ga.ī is ḳhvāb se kab kā chauñk uThā huuñ

bahut hai lamha-e-maujūd kā sharaf bhī mujhe
so apne fan se baqā-e-abad nahīñ māñgī

dhartī ke tabassum se chamke āfāq-e-abad ke sayyāre
zulmat ke tarannum se phūTe nūr-e-abadiyyat ke dhāre

lā.iye mai kartī hai ta.amīr dil-hā-e-ḳharāb
tā-abad rakhiyo ḳhudā ma.amūr maiḳhāne ke ta.iiñ

mil jaao tum to shab ko baḌhā leñge tā-abad
māñgeñge ye duā ki ilāhī sahar na ho