Tags-Ishq

pūchhtā hāsil zamāna ishq kā
chāhatoñ meñ dūriyāñ haiñ aur kyā

tishnagī-e-ishq ho be-intihā
jhuuT sab dushvāriyāñ haiñ aur kyā

faqīr-e-ishq haiñ apnā koī Thikānā hai kyā
havā meñ uḌte rahe pāniyoñ par chalte rahe

husn taqvā-shikan sahī lekin
ishq ḳhāna-ḳharāb hai pyāre

maiñ vus.atoñ kā talabgār apne ishq meñ huuñ
vo merī zaat meñ ik yarġhamāl chāhtī hai

ishq meñ ḳhuub niiñ bahut ronā
is se ifshā-e-rāz hotā hai

ishq meñ kaun dil jalā.e ab
vajd meñ ik safar se miltā huuñ

husn ko aatā hai jab apnī zarūrat kā ḳhayāl
ishq par lutf kī barsāt bhī ho jaatī hai

ishq to ab sher kahne kā bahāna rah gayā
harf ko rakhtā huuñ raushan sho.ala-e-afkār se

ġham hai khāne ko ashk piine ko
ishq meñ kyā farāġh-e-dastī hai

mujh ko sharāb-e-ishq pilā ne kī der thī
maiñ ne bhī kā.enāt ko maḳhmūr kar diyā

detī haiñ mujh ko ta.ane mirī sab saheliyāñ
kahtī haiñ tujh ko ishq ne maġhrūr kar diyā

dil ishq ne itnā bhī na chhoḌā ki jo kahveñ
taqsīm juz-e-lā-yatajazzā nahīñ hotā

karo kaj jabīñ pe sar-e-kafan mire qātiloñ ko gumāñ na ho
ki ġhurūr-e-ishq kā bāñkpan pas-e-marg ham ne bhulā diyā

ab ishq ko be-naqāb kar ke
maiñ husn ko aazmā rahā huuñ

āzād ishq-e-yār ne ham ko banā diyā
māl-o-matā' kā huuñ na maiñ ḳhvāhāñ kisī tarah

ab kisī kaam ke nahīñ ye rahe
dil vafā ishq aur tanhā.ī

havas meñ ishq meñ tahzīb-e-tarbiyat kā hai farq
vagarna donoñ usī maktab-e-badan ke haiñ

majnūñ haiñ magar ḳhvāhish-e-lailā nahīñ karte
ham ishq to karte haiñ tamannā nahīñ karte

kabhī koī bābat-e-husn ham se jo pūchhtā
to ham ahl-e-ishq javāb meñ tujhe dekhte