Tags-Jafa

us se kah do ki vo jafā na kare
kahīñ mujh sā use ḳhudā na kare

husn pābandī-e-ādāb-e-jafā par majbūr
ishq āvāra sar-e-koh-o-daman hai ki jo thā

hai jo manzūr jafā dar-parda
muñh vo ġhairoñ meñ dikhāte haiñ hameñ

juuñ sard rakhā sañg-e-jafā se mujhe āzād
marhūn tirā jī se maiñ ai be-samarī huuñ

kabhī to un kī taraf se safā.iyāñ itnī
kabhī adā-e-jafā par duhā.iyāñ itnī

ye chashm-dāsht tujh se 'jahāñdār' ko na thī
jo ġhair ke liye use tū ne jafā kiyā

be-mehrī terī kyā kahūñ ai sañg-dil ki chuur
mujh dil kā shīsha tū ne ba-sañg-e-jafā kiyā

kahāñ tak jafā husn vāloñ kī sahte
javānī jo rahtī to phir ham na rahte

chhoḌ kar mere ta.iiñ aur paas zālim ke rahe
aur sahe jaur-o-jafā dil haa.e dil afsos dil

vā.e-barbādī-e-qismat ki pas-e-marg sabā
ḳhaak ushshāq-e-jafā-kash kī uḌā detī hai

sitam-shi.ār jafā-pesha be-muravvat hai
sarāhi.ye jigar un ke jo tujh ko pyaar kareñ

'shākir' maiñ vo andāz-e-jafā bhuul to jā.ūñ
jo naqsh haiñ dil par vo miTā.e nahīñ jaate

o jafā-pesha shagufta ḳhātirī hai aur shai
yuuñ hañsī aane ko rone meñ hañsī aa.ī to kyā

āshiq ke satāne meñ dareġh un ko na hogā
maujūd haiñ lene ko jo mil jaa.e jafā qarz

har jafā un kī huī ham ko vafā se baḌh kar
ab nikāleñ vo koī zulm jafā se baḌh kar

phir jalā hai kisī āñgan meñ koī taaza charāġh
phir koī qatl kisī dast-e-jafā par likh do

kabhī shab ko akelā jo pā.ūñ tujhe to gale se phir apne lagā.ūñ tujhe
kabhī chhātī pe apnī sulā.ūñ tujhe mujhe ishq ke jaur-o-jafā kī qasam

kabhī fariyādtan suno merī
kaun kahtā hai tum jafā na karo

barpā hai chashm-e-nāz meñ phir hashr-e-iltifāt
sach-much jafā pe koī pashemāñ hai āj-kal

kise ḳhabar ki ye jiddat hai yā siyāsat hai
jafā kare bhī to kartā hai vo vafā kī tarah