Tags-Jafa

jafā-jū sañg-dil be-rahm hai va.ada-shikan hai vo
tū aayā bhī to kis par ai dil-e-ḳhāna-ḳharāb aayā

tum jo har ik ke dil ko satāte ho kyā miyāñ
āġhāz kā jafā ke kuchh anjām hī nahīñ

unheñ ye fikr hai har dam na.ī tarz-e-jafā kyā hai
hameñ ye shauq hai dekheñ sitam kī intihā kyā hai

ġharaz is nibāh ke sadqe meñ ġharaz aisī chaah ke sadqe meñ
na tirā hī jaur-o-jafā gayā na mirī hī mehr-o-vafā ga.ī

mere afkār ko detī hai jilā us kī jafā
ġham na hote to ye qirtās sañvartā hī nahīñ

kareñge shikva-e-jaur-o-jafā dil khol kar apnā
ki ye maidān-e-mahshar hai na ghar un kā na ghar apnā

tirī jafā meñ milā kar sitam zamāne ke
sharāb-e-ġham kā ajab zā.iqa nikāleñge

maiñ aur tū haiñ donoñ majbūr-e-taur apne
pesha tirā jafā hai sheva mirā vafā hai

har nazar āshnā nahīñ hotī
lutf meñ kyā jafā nahīñ hotī

us kī jafā siiñ tamām jag meñ paḌī dhūm-dhām
ham jam-o-zahhāk suuñ ḳhuub nahīñ bolnā

tum shauq se elān-e-jafā par raho nāzāñ
ham jur.at-e-iz.hār-e-vafā bhī nahīñ karte

ham tark-e-ta.alluq kā gilā bhī nahīñ karte
tum itne ḳhafā ho ki jafā bhī nahīñ karte

pā.emāl-e-sad-jafā nā-haq na ho ai andalīb
sabza-e-begāna bhī thā is chaman kā āshnā

sābit tū rah jafā pe maiñ qaa.em vafā pe huuñ
maiñ apnī baan chhoḌūñ na tū apnī aan chhoḌ

ḳhudā ne kaam diye haiñ judā judā sab ko
sanam jafā ke liye haiñ to ham vafā ke liye

buto ye shīsha-e-dil toḌ do ḳhudā ke liye
jo sañg-dil ho to kyā chāhiye jafā ke liye

terī jafā huī ki jahāñ kā ġhazab huā
ham par to jo sitam bhī huā be-sabab huā

ham to terī jafā ke bande haiñ
tujh meñ rasm-e-vafā nahīñ to na ho

bayān-e-lutf-e-adū jafā hai ye tum se sau-bār kah diyā hai
phir ab kī sun lo nahīñ rahā hai hameñ bhī zabt āh-e-ātshīñ kā

us kī galī meñ jaur-o-jafā aam hai bahut
us kī galī meñ yaar magar jaanā chāhiye