Tags-Jafa

ġhair aur shikva-e-jafā tum se
haa.e maiñ qābul-e-vafā na rahā

na rahā shikva-e-jafā na rahā
ho ke dushman bhī āshnā na rahā

ḳhaak meñ jo milā ho ḳhud us pe sitam se kyā husūl
husn kī ye sarisht hai varna jafā kī vaj.h kyā

sitam karnā karam karnā vafā karnā jafā karnā
magar jo ahd kar lenā vo āḳhir tak vafā karnā

hai jafā se ġharaz use itnī
ki vafā imtihān paḌtī hai

maiñ talab thā sar-e-darbār-e-jafā
mil ga.e yaar purāne kitne

ahl-e-jahāñ ke saath vafā yā jafā karūñ
merī samajh meñ kuchh nahīñ aatā hai kyā karūñ

teġh-e-sitam kabhī hai to sañg-e-jafā kabhī
ya.anī nasīb-e-ishq vahī hai jo thā kabhī

jalāyā muskurā kar aur adā se kar diyā murda
kahīñ to ye jafā Thahrī kisī jā par vafā Thahrī

maiñ idhar bhuul gayā ranj-e-firāq
vo udhar uzr-e-jafā bhuul gayā

bholī bholī jo vo sūrat dekhī
shikva-e-jaur-o-jafā bhuul gayā

jafā se un kī jo tartīb pā rahī hai abhī
vo dāstāñ bhī sar-e-anjuman sunā.eñge

shoḳhī nigah ke saath taġhāful jafā ke saath
ushshāq par hujūm-e-balā hai balā ke saath

sitam ko un kā karam kaheñ ham jafā ko mehr-o-vafā kaheñ ham
zamāna is baat par ba-zid hai ki nāravā ko ravā kaheñ ham

le ke dil tark-e-jafā par nahīñ raazī to mujhe
hai ye manzūr ki vo jaan kā ḳhvāhāñ ho jaa.e

bahut kuchh dosto bismil ke chup rahne se hotā hai
faqat us ḳhanjar-e-dast-e-jafā se kuchh nahīñ hotā

kyā zikr-e-vafā jafā kisī se na banī
gar dost milā to mudda.ī se na banī

va.ada karte ho vafā karte ho kyā karte ho
jurm-e-qānūn-e-jafā karte ho kyā karte ho

nashr-e-jafā-o-jaur bhī hai ik adā-e-ḳhās
husn-e-nigāh-e-lutf se maiñ be-ḳhabar nahīñ

lamhāt-e-mohabbat sabhī yaksāñ nahīñ hote
ai jān-e-vafā terī jafā achchhī lagī hai