Tags-Jafa

āshiq-e-jāñ-nisār ko ḳhauf nahīñ hai marg kā
terī taraf se ai sanam jaur-o-jafā jo ho so ho

abhī tālīm-e-vafā yaanī jafā kā nahīñ vaqt
tarbiyat shauq kī ho lutf-e-nazar se pahle

un kī fasta.ī tabī.at meñ hai qatl-o-ġhārat
kyuuñ kareñge vo bhalā zulm-o-jafā se tauba

na ye ġham nayā na sitam nayā ki tirī jafā kā gilā kareñ
ye nazar thī pahle bhī muztarib ye kasak to dil meñ kabhū kī hai

vo kahīñ chhoḌ na de ye na jafā ho jaa.e
ek janjāl se chhūTe jo sahāre TuuTe

ishq kā naaz vafā husn kā ehsān jafā
ham jo TuuTe to mohabbat ke idāre TuuTe

is pe bhī girāñ guzregī ye ḳhū-e-jafā 'soz'
gar yaar bhī apnī pe utar aa.eñ kisī din

ho ga.ī ḳhatm rah-o-rasm-e-mohabbat shāyad
maiñ vafā bhuul gayā un ko jafā yaad nahīñ

kis ko kahte haiñ jafā kyā hai vafā yaad nahīñ
ai mohabbat mujhe kuchh tere sivā yaad nahīñ

baaz aa jaa.eñ jafā se jo kabhī aap to phir
yaad āshiq ko na kījegā bhalā yaad rahe

karte haiñ vo is tarah 'zafar' dil pe jafā.eñ
zāhir meñ ye jaano ki jafā kuchh nahīñ karte

vaqt ke hāthoñ hikāyāt-e-anā bhuul ga.e
ham vafā bhuul ga.e aap jafā bhuul ga.e

jafā ke zikr pe vo bad-havās kaisā hai
zarā sī baat thī lekin udaas kaisā hai

hai vahāñ shān-e-taġhāful ko jafā se bhī gurez
iltifāt-e-nigah-e-yār kahāñ se lā.ūñ

vo karte haiñ sun kar sitam aur bhī
mirā naala shukr-e-jafā ho gayā

le ke ham dil ga.e kahte ye jafā-kāroñ meñ
kaun letā hai ise itne ḳharīdāroñ meñ

har jafā ġham hai mire zarf kī pahnā.ī meñ
mere hoñToñ pe kabhī zikr-e-sitam ho to kaho

ye pher mohabbat ke tauba ā.īn-e-jafā bhī aam nahīñ
qātil kī chhurī par ḳhuuñ to hai qātil pe magar ilzām nahīñ

'bedam' kī zindagī hai isī chheḌ-chhāḌ meñ
tark-e-vafā kī tarah se tark-e-jafā na ho