Tags-Jafa

baḌh ga.iiñ gustāḳhiyāñ merī sazā ke saath saath
pyaar aatā hai tirī jaur-o-jafā ke saath saath

yaañ taġhāful meñ apnā kaam huā
tere nazdīk ye jafā hī nahīñ

mar rahte haiñ dar par tire do-chār hamesha
hai jaur-o-jafā tujh ko sazā-vār hamesha

ham na kahte the ki ye jaur-o-jafā achchhī nahīñ
pūchh kuchh roz-e-jazā ab tum se hai yā ham se hai

kyā batā.ūñ mujhe kyā lagtā hai
har-nafas tīr-e-jafā lagtā hai

ham se vafā kareñ ki vo ham par jafā kareñ
paa.eñ ḳhudā se ham jo butoñ se daġhā kareñ

kartā hai uzr-e-jaur-o-jafā yaar tū abas
honā jo thā huā vo hameñ yaad bhī nahīñ

jafā ke dosh pe jalte hue charāġh mujhe
sitam kī nok pe jiinā sikhā.e jaate haiñ

un se kis muñh se shikva-e-bedād
zindagī ḳhud hai ik jafā tauba

ham ġhanīmat usī ko samjheñge
lo vafā vāda-e-jafā kiije

merā dil taakā gayā jaur o jafā ke vāste
jab ki puure rañg par un kī javānī ho chukī

zindagī ko ham vafā tak vo jafā tak le ga.e
apne apne fan ko donoñ intihā tak le ga.e

jafā kī dhuup meñ guzrī hai zindagī saarī
vafā ke naam pe jheleñge ġham to kyā hogā

rahe kyuuñ na siine meñ dam ḳhafā ye nayā sitam hai na.ī jafā
kahūñ kyā safī' koī bevafā mire dil ko le kar mukar gayā

use jafā kā jafā se javāb kyā dete
hameñ mizāj milā bhī to dostāna milā

dil de ke jafā sahiye aafat meñ phañse rahiye
daanā jo hameñ kahiye nādāñ kise kahte haiñ

na mudārāt hamārī na adū se nafrat
na vafā hī tumheñ aa.ī na jafā hī aa.ī

tumhāre ḳhūgar-e-bedād ko kyā lutf kī hājat
vafā aisī na karnā tum jo āḳhir ko jafā nikle

gumāñ thā kām-e-dil aġhyār tum se paate haiñ lekin
hamārī tarah vo bhī kushta-e-teġh-e-jafā nikle

sitam aise kiye tamsīl jin kī mil nahīñ saktī
magar vo is jafā ko avvalīñ manzil samajhte haiñ