Tags-Kamar

kamar ḳhayāl maTaktī kalī lachaktā shabāb
kamān TūTtī añgḌā.ī hashr jān-kanī

sar-nigūñ rahtī haiñ jis se quvvateñ taḳhrīb kī
jis ke buute par lachaktī hai kamar tahzīb kī

DhūñDhne par maiñ kamar bāñdhūñ to pā.ūñ qasr-e-yār
be-mahal hai lā-makāñ kahnā vo harjā.ī nahīñ

'jalīl' ustād kā kahnā suno bāñdho kamar tum bhī
ajab bastī madīna hai jahāñ rahmat barastī hai

kamar in kī bahut hī nāzuk hai
zulf bhī tā-kamar nahīñ aatī

pītāmbar nafīs kamar meñ kasā huā
ḳhushbū se haar phuul kī mandir basā huā

ghaTte ghaTte meñ rahā ishq-e-kamar meñ aadhā
jāma-e-tan ko mire chāhiye niimā kahnā

mū-e-ātish-dīd saañ bal khaa.e vo mū-e-kamar
maiñ jo likkhūñ garm mazmūñ us tilā.ī Daab kā

mazmūn tirī kamar kā hai kyā aaj banda gayā
anqā phañsā hai un kī dām-e-shikār meñ

kuchh dahan hī nahīñ vahm-e-sho.arā ke nazdīk
mū se bārīk kamar bhī hai gumānī terī

raftagī kā hai ye aalam ki tire vaqt-e-ḳhirām
paañv jaate haiñ kahīñ aur kamar aur kahīñ

sab pech kī ye bāteñ haiñ shā.iroñ kī varna
bārīk aur nāzuk mū kab hai us kamar sā

jis haath meñ rahā kī us kī kamar hamesha
us haath mārne kā sar par bañdhā hai kar sā

pusht gul-barg shikam siim kamar tār-e-nigāh
sān-e-billor gulāvaT meñ har ik raan parī

ye bār-e-amānat tū uThātā to hai lekin
nāzuk hai kamar terī lachak jaa.e to kyā ho

phir hamārā dil-e-gum-gashta bhī mil jā.egā
pahle tū apnā dahan apnī kamar paidā kar

jo bāñdhī kamar qatl-e-ushshāq par
kamar to na thī par kamar ho ga.ī

dahan-e-tañg hai mauhūm yaqīñ hai kis ko
kamar-e-yār hai ma.adūm ye zan hai kis kā

jo sub.h-e-pīrī huī huvaidā sadā adam se huī ye paidā
namāz paḌh ke na ab Thahariye savere kasiye kamar ko chaliye

kyā nazākat hai sabā us kī kamar kī jis ne
sub.h-dam tār-e-rag-e-gul se qamar-bañd kiyā