English
Favourite
Favourite
UrduShayarUrduShayar
Expand menu
Sign inAccount

Tags-Khafa

karo ye va.ada ki mujh se ḳhafā nahīñ honā
maiñ māntī huuñ ki maiñ baat ko baḌhātī huuñ
Ghazal
 main apne KHwab mein kuchh KHak mein milati hun
husn yuuñ ishq se nārāz hai ab
phuul ḳhushbū se ḳhafā ho jaise
Sher
 husn yun ishq se naraaz hai ab
ye faiz-e-ishq thā ki huī har ḳhatā muaaf
vo ḳhush na ho sake to ḳhafā bhī na ho sake
Ghazal
 paband-e-ehtiyat-e-wafa bhi na ho sake
qudrat ḳhafā huī na kahīñ laa.e zalzala
karvaT zamīñ badalne lagī tere shahr meñ
Ghazal
 nafrat ki aag jalne lagi tere shahr mein
aaj vo yuuñ hī nahīñ mujh se ḳhafā
kuchh gila to hai koī shikvā to hai
Ghazal
 dur hai manzil to kya rasta to hai
vo yaar ham se ḳhafā hai to ho huā so huā
phir us kā qissa hī kyā jaane do huā so huā
Ghazal
 wo yar humse KHafa hai to ho hua so hua
jaane kyā huā mujhe
ḳhud se bhī ḳhafā huuñ maiñ
Ghazal
 kya kahun ki kya hun main
qusūr-vār na ho kar bhī tum miTāo use
'anīs' yaar koī jab ḳhafā nazar aa.e
Ghazal
 na rahbari ka koi silsila nazar aae
lahje se na zāhir ho ki ham us se ḳhafā haiñ
jiine kī abhī tak ye adā hī nahīñ aa.ī
Ghazal
 muddat se wo KHushbu-e-hina hi nahin aai
kyuuñ ḳhafā ham se ho ḳhatā kyā hai
ye to farmā.iye huā kyā hai
Ghazal
 kyun KHafa humse ho KHata kya hai
dekh rahne se ḳhafā ho to mirī
chashm-e-hairān nikālo sāhab
Ghazal
 tegh-e-barran nikalo sahab
vo ham se ḳhafā haiñ ham un se ḳhafā haiñ
magar baat karne ko jī chāhtā hai
Ghazal
 junun se guzarne ko ji chahta hai
dasht-e-ġhurbat hai to vo kyuuñ haiñ ḳhafā ham se bahut
ham dukhī baiThe haiñ lag chal na sabā ham se bahut
Ghazal
 dasht-e-ghurbat hai to wo kyun hain KHafa humse bahut
jin ko tū dhutkārtā hai vo bhī tere saa.e haiñ
tū ne itnā bhī nahīñ sochā ḳhafā hote hue
Ghazal
 dekh ab apne hayule ko fana hote hue
duhā.iyāñ jo nahīñ deñ 'zafar' sitam sah kar
samajh rahī hai ye duniyā ḳhafā na ham haiñ na tum
Ghazal
 nazar se dur hain dil se juda na hum hain na tum
roz-o-shab yādoñ ke aaseb satā.eñge koī
shahr meñ tujh se ḳhafā ho ke rahegā kaise
Ghazal
 KHun palkon pe sar-e-sham jamega kaise
yuuñ na mil mujh se ḳhafā ho jaise
saath chal mauj-e-sabā ho jaise
Ghazal
 yun na mil mujhse KHafa ho jaise
zindagī ham tire kūche meñ chale aa.e to haiñ
tere kūche kī havā ham se ḳhafā lagtī hai
Ghazal
 aaj kuchh surat-e-aflak juda lagti hai
añdhere zahr barsāne lage haiñ zindagānī par
kisī ke pyaar kā mahtāb aise meñ ḳhafā kyuuñ hai
Ghazal
 sahar anjaan si maghmum sa KHwab-e-wafa kyun hai
ḳhemoñ se ubharne lagīñ mātam kī sadā.eñ
aur ham se ḳhafā ho gayā sajjād hamārā
Ghazal
 kuchh aql bhi rakhta hai junun-zad hamara
Top Urdushayar.com