Tags-Khafa

ḳhafā ho ke ai 'dard' mar to chalā tū
kahāñ tak ġham apnā chhupātā rahegā

vo ḳhush ho ke mujh se ḳhafā ho gayā
mujhe kyā umīdeñ thiiñ kyā ho gayā

ḳhafā bhī ho ke jo dekhe to sar nisār karūñ
agar na dekhe to phir bhī hai ik salām se kaam

ye be-niyāz tabī.at ye be-ḳhudī ke rañg
ham apne aap se ḳhush bhī nahīñ ḳhafā bhī nahīñ

milūñ jis se ḳhafā do din meñ kar detā huuñ us ko
maiñ āḳhir tā-kujā ye ablahī kartā rahūñgā

hijāb un se vo merā pūchhnā sar rakh ke qadmoñ par
sabab kyā hai jo yuuñ mujh se ḳhafā sarkār baiThe haiñ

bas yahī soch ke taskīn sī ho jaatī hai
aur kuchh log bhī duniyā se ḳhafā baiThe haiñ

havā ḳhafā thī magar itnī sañg-dil bhī na thī
hamīñ ko sham.a jalāne kā hausla na huā

sanam-kada hai ki ik mahfil-e-ḳhudā-vandāñ
bahut ḳhafā huā vo but jise ḳhudā na kahā

jis kī havas ke vāste duniyā huī aziiz
vāpas hue to us kī mohabbat ḳhafā milī

dekhnā hai vo ḳhafā rahtā hai mujh se kab tak
maiñ ne sochā hai ki is baar na bolūñ pahle

ye jo rātoñ ko mujhe ḳhvāb nahīñ aate 'atā'
is kā matlab hai mirā yaar ḳhafā hai mujh se

tere vahshī se abas tujh ko ḳhafā karte haiñ log
sab ye bāteñ jhūTh thiiñ us be-ḳhabar ne kyā kahā

rahbaroñ se shikva hai
shauq se ḳhafā hote

pahle maiñ dil pe ḳhafā hotā thā
aur ab mujh se ḳhafā hai mirā dal

din tire hijr meñ kaT jaatā hai jaise-taise
mujh se rahtī hai ḳhafā merī nazar shaam ke baad

tañg aa jā.ūñ mohabbat se to gaahe gaahe
achchhā lagtā hai mujhe terā ḳhafā ho jaanā

vo ḳhafā jo ham se hai ġhuncha-lab to hamārī shakl ye hai ki ab
kabhī rañj-e-dil kabhī āh-e-jāñ kabhī chashm-e-ġham se pur-āb hai

bas itnī baat par duniyā ḳhafā hai
ki maiñ ne tujh se ġhaddārī nahīñ kī

kuchh ajab aan se logoñ meñ rahā karte the
ham ḳhafā ho ke bhī aapas meñ milā karte the