Tags-Khat

nahīñ āzād kar sakte hameñ vo
lakīreñ apne māthe kī haiñ sar ḳhat

kabhī likhtā huuñ maiñ un ko agar ḳhat
chalā jaatā hai qāsid bhuul kar ḳhat

ḳhushī se uTh ke 'anjum' paañv chūmūñ
ki laayā yaar kā hai nāma-bar ḳhat

mirī qismat se bhūlā naam qāsid
na likhte tum to varna umr bhar ḳhat

jo tum be-e'tinā.ī se na likhte
na detā ham ko qāsid pheñk kar ḳhat

use dekhā thā ḳhat-e-ḳhvāb ke us paar kabhī
ye sitāra jo girā hai mire andar aa kar

koī purānā ḳhat kuchh bhūlī-bisrī yaad
zaḳhmoñ par vo lamhe marham hote haiñ

ḳhatt-e-peshānī meñ saffāk azal ke din se
terī talvār se likkhī hai shahādat merī

bahut din baad ḳhat aayā hai un kā
mizāj-e-dil-barāñ barham bahut hai

is meñ bhalā kyā hāsil hogā soch to dekho miyāñ 'nazīr'
vo to ḳhafā ho pheñk de ḳhat aur log tumheñ bad-nām kareñ

phir bulāyā hai us ne ḳhat likh kar
sāmne koī mas.ala hogā

ḳhilāf-e-ahal-e-safīna hī nāḳhudā se nahīñ
jabīn-e-bahr pe larzāñ ḳhat-e-itāb bhī hai

ḳhizr us ḳhatt-e-sabz par to muā
dhun hai ab apne zahr khāne kī

aaj kī raat bahut bhārī hai donoñ par
aaj mujhe vo ḳhat lauTāne aa.ī hai

khīñchtī fauj-e-ḳhat jo husn pe teġh
siina merā hī vaañ sipar hotā

azā-dārī meñ hai kis kī ye charḳh-e-mātamī-jāma
ki habīb-e-chāk kī sūrat hai ḳhatt-e-kahkahshāñ hotā

zavāl husn khilvātā hai meve kī qasam mujh se
lagāyā daaġh ḳhat ne aan kar seb-e-zaqan bigḌā

aag sī dil meñ lagā jaatā hai terā har ḳhat
aa mire ḳhirman-e-hastī ko jalā de aa kar

nāma-bar ḳhat de ke us nau-ḳhat ko tū ne kyā kahā
kyā ḳhatā tujh se huī aur vo ḳhafā kyūñkar huā

zaqan kī chaah meñ ye sabzī-e-ḳhat zahr-e-qātil hai
parī hai bhāñg kuue meñ na ho kyuuñ ḳhalq chit-bhañgī