Tags-Khizan

kabhī sayyād kā khaTkā hai kabhī ḳhauf-e-ḳhizāñ
bulbul ab jaan hathelī pe liye baiThī hai

lashkar-e-gul jo gulistāñ meñ ḳhizāñ par umDā
saath dene ko pahāḌoñ se ghaTā.eñ aa.iiñ

barg-e-ḳhizāñ-rasīda se aatī thī ye sadā
is bāġh-e-sabz par kaf-e-afsos mal ke chal

ġhāfil nigah-e-hosh se rañg-e-chaman ko dekh
parvurda-e-ḳhizāñ hai zamāna bahār kā

us ko ḳhizāñ ke aane kā kyā ranj kyā qalaq
rote kaTā ho jis ko zamāna bahār kā

mausam-e-gul se fasl-e-ḳhizāñ kī duurī kyā
aañkh jhapakte saarā qissa paak huā

nazar kab āshnā-e-rañg hogī
tamāsha-e-ḳhizāñ kab tak rahegā

ghirā bādal ḳhamoshī se ḳhizāñ-āsār bāġhoñ par
hile ThanDī havāoñ meñ shajar āhista āhista

ye mumkin hai ḳhizāñ ke ba.ad bhī mausam na raas aa.e
to aisā bhī nahīñ barg-o-samar kī baat mat socho

'munīr' dekh shajar chāñd aur dīvāreñ
havā ḳhizāñ kī hai sar par shab-e-bahār meñ huuñ

jin kī miTTī ḳhizāñ se uTThī ho
mil sakegā unheñ bahār meñ kyā

be-samar peḌoñ ko chūmeñge sabā ke sabz lab
dekh lenā ye ḳhizāñ be-dast-o-pā rah jā.egī

tapish ne vaqt kī jhulsā ke un ko rakkhā hai
ḳhizāñ-nasīboñ ko thoḌā sahī shabāb to de

ahl-e-junūñ ko fasl-e-ḳhizāñ se ab ke bhī go na rabt rahā
ab ke bahār vo aa.ī kī jis kī bū-e-gul bhī safīr na thī

ek anjām-e-tai-shuda ke liye
phir ḳhizāñ ko bahār kī zid hai

hujūm se ek ik gunahgār ko bulātā aur us ke māthe pe kalma-e-sub.h likh rahā thā
tamām murde ḳhizāñ-zada uñgliyoñ ke chhūne se jāgte the

har haqīqat ko gumāñ tak sochūñ
maiñ bahāroñ ko ḳhizāñ tak sochūñ

mujhe to rañj qabā-hā-e-tār-tār kā hai
ḳhizāñ se baḌh ke guloñ par sitam bahār kā hai

ahl-e-junūñ kī lāla-kārī mausam kī pāband nahīñ
fasl-e-ḳhizāñ meñ phuul khule haiñ zindāñ kī dīvāroñ par

ḳhizāñ kā daur bhī aatā hai ek din 'kaifī'
sadā-bahār kahāñ tak daraḳht rahte haiñ