Tags-Khuda

allāh allāh ye kibr aur ye ġhurūr
kyā ḳhudā kā hai dūsrā vaa.iz

tere kahne se riñd jā.eñge
ye to hai ḳhāna-e-ḳhudā vaa.iz

ḳhudā us ko zamāne se bachā.e
abhī ye aadmī insān sā hai

va.ada thā kab kā bār-e-ḳhudā sochne to de
ma.aqūl koī uzr nayā sochne to de

jo ho gayā maiñ us pe huuñ raazī ḳhudā qasam
ye kyuuñ huā ye kaise huā sochne to de

mire ḳhudā ne talab se mujhe ziyāda diyā
mirā nasīb na maharūm-e-āb-o-dāna huā

vo butoñ ne Daale haiñ vasvase ki diloñ se ḳhauf-e-ḳhudā gayā
vo paḌī haiñ roz qayāmateñ ki ḳhayāl-e-roz-e-jazā gayā

us ko shak thā
ḳhudā ne do aadhe jism amūdan joḌ ke

zamāna dost hai kis kis ko yaad rakkhoge
ḳhudā kare ki tumheñ mujh se dushmanī ho jaa.e

ḳhudā dushmanoñ ko na vo kuchh dikhā.e
jo kuchh dost se apne ham dekhte haiñ

ḳhudā jaane ki kyā hotā ma.aal apnī mohabbat kā
bahut achchhā huā āġhāz meñ anjām ho jaanā

mirī ḳhvāhish kā koī ghar ḳhudā ma.alūm kab hogā
abhī to zehn ke parde pe bas naqsha banātā huuñ

makān-e-zar lab-e-goyā had-e-sipehr-o-zamīñ
dikhā.ī detā hai sab kuchh yahāñ ḳhudā ke sivā

har ek gaam pe raushan huā ḳhudā kā gumāñ
isī gumāñ pe yaqīñ kī asaas rakhte haiñ

ham apne aap se paate haiñ kosoñ duur use
vahī ḳhudā ki jise ās-pās rakhte haiñ

milā de jigar ko bhī dil meñ ḳhudā
ki ab shauq had se sivā ho gayā

mire ḳhudā kisī sūrat use milā mujh se
mire vajūd kā hissa na rakh judā mujh se

be-ibādat na ḳhudā baḳhshegā sub.hān-allāh
aisī firdaus se ham guzre ki mazdūr nahīñ

badal Daalā hai duniyā ko jo fir.aunoñ kī bastī meñ
ḳhudā ne aaj shāyad phir bashar se baat karnī hai

ham apne dil ko maqām-e-ḳhudā samajhte haiñ
yahī hai der ab apnā yahī haram apnā