Tags-Khuda

ban ke aate haiñ kaise kaise log
ai ḳhudā tere kār-ḳhāne se

yaqīn jaan le saaqī ki ḳhum kī ḳhair nahīñ
ḳhudā na karda jo ab ke mujhe ḳhumār aayā

ḳhudā ne qat.a kiyā hai tujhī pe ye jaama
phaban kisī kā tire kis tarah phaban se mile

pata is kā to ham rindoñ se pūchho
ḳhudā ko kab ye sādhū jāntā hai

bīsiyoñ jhūTe ḳhudā the ek hārūn-al-rashīd
āñdhiyāñ uThīñ charāġh-e-pāsbāñ raushan huā

ab tak aatī hai sadā turbat-e-lailā se 'amīr'
sārbān ab to ḳhudā ke liye mahmil Thahrā

kab se khaḌā maiñ soch rahā huuñ īmāñ ke dorāhe par ye
ek to vo jo sab kā ḳhudā hai ek ḳhudā hai mere andar

ġham-e-vajūd kā mātam karūñ to kaise jiyūñ
magar ḳhudā tire dāman pe daaġh hai ki nahīñ

merī TuuTī huī kashtī kā ḳhudā hāfiz hai
duur tak gahre samundar ke sivā kuchh bhī nahīñ

ḳhudā hī jaane ki kis ravish se kiyā thā murġh-e-chaman ne naala
paḌī hai ġhunche kī chiiñ jabīñ par to rañg chehre kā laal bhī hai

kaun kāfir phir kare sajda ḳhudā ke sāmne
kah to baiThe mujh se vo but apnā īmāñ chhoḌ de

ḳhudā hai qādir-e-mutlaq ye baat khultī hai tab
jab us se kaam koī kāfirāna paḌtā hai

ye dasht tel kā pyāsā na thā ḳhudā-vandā
yahāñ to chaar chhe dariyā hameñ bahāne the

ḳhudā ash.ār-e-rasmī se bachā.e
ye qatl-e-ām sachchī baat kā hai

go gulistān-e-jahāñ par merī nazreñ kam paḌīñ
aur paḌīñ bhī to ḳhudā shāhid ba-chashm-e-nam paḌīñ

maiñ sarāpā maz.har-e-ism-e-ḳhudā vallāh huuñ
ham-safīro is chaman meñ murġh-e-bismillāh huuñ

un butoñ se nahīñ ummīd ḳhudā-tarsī kī
rahm dil un meñ nahīñ ek sitamgār haiñ sab

ravāñ-davāñ hai udhar hī tamām ḳhalq-e-ḳhudā
vo ḳhush-ḳhirām jidhar sair ko nikaltā hai

ḳhudā maiñ ho gayā phir ik tasādum
aqīdoñ meñ siyāsat aa ga.ī hai

ik ajab āshob hai kyuuñ bastiyoñ meñ jalvagar
kyā ye har insān se ḳhauf-e-ḳhudā le jā.egā