Tags-Khuda

itnā ḳhālī thā andarūñ merā
kuchh dinoñ to ḳhudā rahā mujh meñ

idhar jā.ūñ yā maiñ udhar jā.ūñ 'pankaj'
idhar bhī ḳhudā hai udhar bhī ḳhudā hai

lete haiñ baar baar vo aise ḳhudā kā naam
duniyā meñ jaise aur kisī kā ḳhudā na thā

jis tarah do-jahāñ meñ ḳhudā kā nahīñ sharīk
tere jamāl meñ nahīñ koī hasīñ sharīk

ta.alluq tum se jo bhī hai nahīñ ma.alūm kal kyā ho
chalo ye faisla apnā ḳhudā par chhoḌ dete haiñ

'arsh' vo apnī ḳhudā.ī meñ kahāñ
baat jo us ko ḳhudā kahne meñ hai

ho koī mas.ala apnā duā par chhoḌ dete haiñ
use ḳhud hal nahīñ karne ḳhudā par chhoḌ dete haiñ

mahsūs ho chalī haiñ tanhā.iyāñ unheñ bhī
rakkhe ḳhudā salāmat pindār-e-āshiqāna

paanī se huvaidā hotī hai duniyā meñ ḳhudā kī rahmat bhī
paanī meñ dikhā.ī detī hai tasvīr-e-azāb-o-la.anat bhī

ḳhudā kare ki haqīqat meñ zindagī ban jaa.e
vo zindagī jo zabāñ tak hī paa.ī jaatī hai

dasht-e-viġha meñ nūr-e-ḳhudā kā zuhūr hai
dasht-e-viġhā meñ nūr-e-ḳhudā kā zuhūr hai

safīne Duub ga.e kitne dil ke sāgar meñ
ḳhudā kare tirī yādoñ kī naav chaltī rahe

ḳhudā hī jaane ki aane vaalī rutoñ meñ kyā ho jahāñ kī hālat
abhī ye naġhme na band karnā abhī ye mahfil sajā.e rahnā

maiñ us se judā huuñ vo mujh se judā hai
mohabbat ke māroñ pe fazl-e-ḳhudā hai

ye misra.a nahīñ hai vazīfa mirā hai
ḳhudā hai mohabbat mohabbat ḳhudā hai

iltijā kī Tahniyāñ hotī nahīñ haiñ kyuuñ harī
kyuuñ samar merī duā meñ ai ḳhudā lagtā nahīñ

maiñ aasī huuñ magar ġhībat meñ 'shārib'
ḳhudā kā shukr hai khulte nahīñ lab

zindagī apnī jab is shakl se guzrī 'ġhālib'
ham bhī kyā yaad kareñge ki ḳhudā rakhte the

taaki tū rah sake ḳhudā mujh meñ
mujh se aaseb ab nikāl mirā

milā añdhere meñ jo kuchh ḳhudā banā Daalā
ḳhudā ko chhoḌ ke kāfir kahāñ kahāñ bhaTke