Tags-Khuda

muddat se aadmī kā yahī mas.ala rahā
patthar daraḳht aadmī us kā ḳhudā rahā

terā muhtāj umr bhar maiñ rahūñ
ai ḳhudā mujh ko ḳhud-kafīl na kar

un ko koī 'suman' likhe kuchh bhī
maiñ ḳhudā kī kitāb likhtī huuñ

zindagī par hai iḳhtiyār un kā
bandagān-e-ḳhudā ḳhudā bhī haiñ

hameñ āvāz denā hai nabī ko jānib-e-mahshar
ḳhudā āvāz de jis ko vo banda kis tarah kā hai

mubārak ho ye tarz-e-be-ruḳhī ye hausla tujh ko
mujhe tū bhuul jaa.e itnī ḳhushiyāñ de ḳhudā tujh ko

aane vaale kisī tūfān kā ronā ro kar
nā-ḳhudā ne mujhe sāhil pe Dubonā chāhā

to phir ye aadmī ḳhud ko ḳhudā samajhne lage
agar ye umr-e-gurezāñ zarā bhī raas aa.e

hatheliyāñ haiñ tirī lauh-e-nūr kī mānind
ḳhudā kare tujhe rañg-e-hinā bhī raas aa.e

nargis kī aañkh tujh par paḌtī hai be-tarah sī
mat vaqt-e-shām jaanā bahr-e-ḳhudā chaman meñ

urūj-e-qaumī zavāl-e-qaumī ḳhudā kī qudrat ke haiñ karishme
hamesha radd-o-badal ke andar ye amr political rahā hai

vāsta kis kā deñ 'hafīz' un ko
un butoñ kā koī ḳhudā hī nahīñ

sach to ye hai sanam-kade vaalo
dil ḳhudā ne tumheñ diyā hī nahīñ

kyā ḳhabar thī ye judā.ī aur hai
haa.e maiñ ne kyuuñ ḳhudā-lagtī kahī

ḳhudā jaane is rut meñ kyā gul khilā.e
gulistāñ kā joban ye kaliyoñ kā mausam

vo jis ko apne-āp se lagtā nahīñ hai Dar
us ko ḳhudā kī zaat se Darnā to hai nahīñ

ab to hāl-e-dil-e-bīmār ḳhudā hī jaane
hālat-e-zār ayādat nahīñ karne detī

go dāva-e-taqvā nahīñ dargāh-e-ḳhudā meñ
but jis se hoñ ḳhush aisā gunahgār nahīñ huuñ

bas ai rañg-o-bū tū na kar naaz be-jā
ḳhudā jaane kyā baat ham dekhte haiñ

ai 'jamīla' na milā but na milā mujh ko ḳhudā
maiñ to us hasti-e-mauhūm meñ be-kār aayā