Collections

Lab Shayari

Motivational Ghazals

Best Khamoshi Shayari

More Collections

Tags-Khuda

ḳhudā hī jaane mire ḳhvāb bech dene ke ba.ad
mirī vafāoñ ke tājir kahāñ kahāñ bhaTke

ye dil hi jaanta hai phir kahan kahan bhaTke

jise gunāh kī taufīq hī na ho tā-umr
use ḳhudā na zamāna muaaf kartā hai

basaraton pe bhanwar inkishaf karta hai

mazā to jab hai ki ham us ko nā ḳhudā kar leñ
havā kā ruḳh jo hamāre ḳhilāf kartā hai

basaraton pe bhanwar inkishaf karta hai

hai 'munavār' gunāh phir bhī savāb
Dar rahe haiñ ḳhudā se Darne ko

ishq mein jaan se guzarne ko

mire pahlū-o-sīna meñ butoñ ke rah ga.e ḳhanjar
ḳhudā kā fazl jis par ho to vo is tarah bahaltā hai

nahin sunta nahin aata nahin bas mera chalta hai

kitnā nāzuk hai ḳhudā rakkhe mohabbat kā mizāj
ab tasallī bhī dil-āzār huī jaatī hai

fitrat-e-ishq gunahgar hui jati hai

na masjidoñ meñ na mandiroñ meñ
ḳhudā kahāñ hai kidhar gayā hai

KHuda kahan hai

sabhī haiñ raam bharose ḳhudā kī bastī meñ
koī to ḳhud pe kare inhisār kam se kam

bas ek bar faqat ek bar kam se kam

'ādil' saje hue haiñ sabhī ḳhvāb ḳhvān par
aur intizār-e-ḳhalq-e-ḳhudā kar rahe haiñ ham

aadil saje hue hain sabhi KHwab KHwan par

ḳhair us se na sahī ḳhud se vafā kar Daalo
vaqt ab kam hai bahut yād-e-ḳhudā kar Daalo

KHair us se na sahi KHud se wafa kar Dalo

ḳhudā ko bhuul kar insān ke dil kā ye aalam hai
ye ā.īna agar sūrat-numā hotā to kyā hotā

agar dard-e-mohabbat se na insan aashna hota

vo log jo ḳhudā ke ġhazab se Dare na the
tharrā uThe haiñ aaj magar tere naam se

baiTha hun apne gosha-e-uzlat mein sham se

ham ai 'shu.ūr' akele kabhī nahīñ hote
hamāre saath hamārā ḳhudā bhī hotā hai

bura bure ke alawa bhala bhi hota hai

ye do-dilī meñ rahā ghar na ghaaT kā 'anjum'
butoñ ko kar na sakā ḳhush ḳhudā ko pā na sakā

ye do-dili mein raha ghar na ghaT ka anjum

afsos mābadoñ meñ ḳhudā bechte haiñ log
ab ma.anī-e-sazā-o-jazā kuchh nahīñ rahā

afsos mabadon mein KHuda bechte hain log

koī suntā nahīñ hai muflisoñ kī
ġharīboñ kā payambar kyā ḳhudā kyā

dil-e-be-muddaa ka muddaa kya

naar ab gulzār hone ke zamāne ḳhatm haiñ
bhiik māñgūñgā ḳhudā se giit sab ke gā.uñgā

qaid-e-tanhai se qaid-e-umr mein aa jaunga

ġharīq-e-zikr-e-ḳhudā din ko ḳhānqāh meñ thā
jo shaiḳh raat ko Duubā huā gunāh meñ thā

ghariq-e-zikr-e-KHuda din ko KHanqah mein tha

allāh allāh ḳhaak meñ milte hī ye pā-e-samar
lo ḳhudā kī shaan phal bhī phuul bhī daane meñ thā

uns apne mein kahin paya na begane mein tha

ḳhudā ne ishq ko majbūriyoñ kā ġham de kar
likhīñ nasīb meñ barbādiyāñ are tauba

bahaar-e-zist ki mahrumiyan are tauba