Tags-Khuda

hai baḌī chiiz lagī dil kī ḳhudā jas ko de
aag meñ kuud paḌā dekhiye parvāne ko

jo yuuñ aap bairūn-e-dar jā.eñge
ḳhudā jaane kis kis ke ghar jā.eñge

tuḌā-muḌā hai magar ḳhudā hai
ise to sāhab sambhāl rakhiye

maiñ aise husn-e-zan ko ḳhudā māntā nahīñ
aahoñ ke ehtijāj se jo māvarā rahe

haiñ tujh se baḌh ke yahāñ tere saare ham-sā.e
mire ḳhudā ye tirī kaisī kibriyā.ī hai

chup hai kyuuñ o but ḳhudā kī vāste
kuchh to hūñ-hāñ kar jo tujh se ho sake

kisī ra.iis kī mahfil kā zikr hī kyā hai
ḳhudā ke ghar bhī na jā.eñge bin bulā.e hue

ḳhudā kī qasam us ne khaa.ī jo aaj
qasam hai ḳhudā kī mazā aa gayā

arabī log haiñ to hone do
vo ḳhudā to nahīñ ajam-bezār

ḳhudā kā hai karam 'santosh' mujh par
har ik mahfil pe maiñ chhāyā huā huuñ

yā ḳhudā dair meñ sāmāñ na huā thā so huā
kāfir-e-ishq musalmāñ na huā thā so huā

baiThā huuñ is umiid pe ik rahguzār par
le aa.e is taraf tujhe shāyad ḳhudā kabhī

but-e-ġhuncha-dahan pe nisār huuñ maiñ nahīñ jhuuT kuchh is meñ ḳhudā kī qasam
mirā tā.ir-e-dil isī qaid meñ hai mujhe zulf ke dām-e-balā kī qasam

sālim yaqīn-e-azmat-e-sehr-e-ḳhudā na toḌ
māyūs ho ke kāsa-e-dast-e-duā na toḌ

ḳhudā jabbār hai har banda bhī majbūr o taabe hai
do aalam meñ nazar aayā na koī mehrbāñ apnā

hai ki dushvār zindagī 'fahmī'
ḳhud ko bīmār bā-ḳhudā kar do

dair o kaaba meñ bhaTakte phir rahe haiñ raat din
DhūñDhne se bhī to bandoñ ko ḳhudā miltā nahīñ

na barahman kī mashīḳhat hai na ruhbān kī qadr
ab to is mai-kade meñ nām-e-ḳhudā ham hī haiñ

larazte kāñpte hāthoñ ko phir na ho zahmat
ḳhudā kare ki yahī zahr raas aa.e mujhe

ḳhudā.ī pe hai is qadar naaz jin ko
ḳhudā vo hamāre banā.e hue haiñ