Tags-Khuda

us kī navāzishāt 'umar' ġhaur to karo
jis ne ḳhudā kī maan liyā rāsta milā

is ek ḳhauf se maiñ jañg meñ shahīd huā
adū kamīna hai ta.ane ḳhudā ke māregā

ḳhudā ne laaj rakhī merī be-navā.ī kī
bujhā charāġh to jugnū ne rahnumā.ī kī

maiñ ne ibādatoñ ko mohabbat banā diyā
āñkheñ butoñ ke saath rahīñ dil ḳhudā ke saath

ye ḳhudā kī shaan to dekhiye ki ḳhudā kā naam hī rah gayā
mujhe taaza yād-e-butāñ hui jo haram se shor-e-azāñ uThā

ḳhudā sharmā.e hāthoñ ko ki rakhte haiñ kashākash meñ
kabhī mere garebāñ ko kabhī jānāñ ke dāman ko

hue janāb meñ ab tak na tere ham gustāḳh
ḳhudā ke vāste ham se na ho sanam gustāḳh

hameñ bas itnā patā hai ki ḳhudā hotā hai
ham in aqsām kī aqsām nahīñ jānte haiñ

de to sakte haiñ sabhī jaan ḳhudā kī ḳhātir
par ḳhudāvand ke ahkām nahīñ jānte haiñ

zamāna dost hai kis kis ko yaad rakkhoge
ḳhudā kare ki tumheñ mujh se dushmanī ho jaa.e

tū ban rahā ḳhudā hai to ye bhī hisāb de
kitnā bigāḌ kar ke banānā paḌā mujhe

ajab zamāne kī gardisheñ haiñ ḳhudā hī bas yaad aa rahā hai
nazar na jis se milāte the ham vahī ab āñkheñ dikhā rahā hai

sahārā na detī agar mauj-e-tūfāñ
Dubo hī diyā thā hameñ nā-ḳhudā ne

dekhā baġhaur aib se ḳhālī nahīñ koī
bazm-e-jahāñ meñ sab haiñ ḳhudā ke sañvāre log

mānūs na thā vo but kisū se
Tuk raam kiyā ḳhudā ḳhudā kar

ābād kar le dīda-o-dil meñ sanam-kade
kahtā hai vo ki ek ḳhudā kī taraf na dekh

ḳhudā rakhe tirī mahfil kī raunaqeñ ābād
nazārgī se nazar meñ kamī nahīñ aatī

tirī talab meñ ajab marhaloñ se guzre haiñ
kabhī to ḳhud se kabhī bad-gumāñ ḳhudā se hue

lahū se dil ke charāġhāñ karo ḳhudā-ḳhāna
taḌap jo ruuh meñ hogī to bandagī hogī

ḳhas ko havā nasīb huī aur banā ḳhadañg
insāñ ko iḳhtiyār milā aur ḳhudā huā