Tags-Khuda

mahram-e-rāz-e-mohabbat hai agar dil terā
to ḳhudā ke liye is raaz ko rusvā bhī na kar

abhī se aa ga.iiñ nām-e-ḳhudā haiñ shoḳhiyāñ kyā-kyā
mirī taqdīr ban ban kar badaltī hai zabāñ kyā-kyā

'saudā' ḳhudā ke vāste kar qissa muḳhtasar
apnī to niiñd uḌ ga.ī tere fasāne meñ

gar duā bhī koī chiiz hai to duā ke havāle kiyā
jā tujhe aaj se ham ne apne ḳhudā ke havāle kiyā

ḳhudā-rasīda sahī laakh barguzīda sahī
jo aadmī ko na samjhe vo aadmī kyā hai

vahī matlūb ho vahī tālib
ik muammā huā ḳhudā na huā

ham bhalā dād-e-suḳhan kyuuñ nahīñ chāheñge ki vo
aap tārīf kā tālib hai ḳhudā hote hue

kabhī vo shaḳhs ik adnā ġhulām thā merā
rafīq ab jise apnā ḳhudā batāte haiñ

sun chuke hāl-e-pursish-e-mahshar va.az kī 'anjum' had bhī hai
ye to nahīñ hai hukm-e-ḳhudā roz ek qayāmat Dhā.eñ aap

ai yaqīnoñ ke ḳhudā shahr-e-gumāñ kis kā hai
nuur terā hai charāġhoñ meñ dhuāñ kis kā hai

ḳhudā ke liye phir to aisā na kahnā
mirī aas ai nāma-bar TūTtī hai

maiñ vo kāfir huuñ ki is zulmat-e-dil ke hāthoñ
har chamakte hue chehre meñ ḳhudā dekhtā huuñ

tirī shaan kaun ghaTā sake use ḳhud ḳhudā ne baḌhā diyā
ki tujhe baqā-e-davām dī tujhe mansab-e-shohdā diyā

go mizājan ham judā the ḳhalq se
saath meñ ḳhalq-e-ḳhudā rakhnī hī thī

ism-o-sifat kā jalva ism-o-sifat meñ dekhā
har zaat kuuñ ḳhudā kī maiñ ain-e-zāt paayā

ḳhudā kī rahmat pe bhuul baiThūñ yahī na ma.anī hai is ke vaa.iz
vo abr kā muntazir khaḌā ho makān jaltā ho jab kisī kā

maiñ ne din raat ḳhudā se ye duā māñgī thī
koī aahaT na ho dar par mire jab tū aa.e

'momin' aur dair ḳhudā ḳhair kare
taur beDhab nazar aate haiñ mujhe

vo rahīm hai vo karīm hai vo nahīñ ki zulm kare sadā
hai yaqīñ zamāne ko dekh kar ki yahāñ ḳhudā koī aur hai

ḳhamosh rahne pe ab dam sā ghuTne lagtā hai
mire ḳhudā maiñ dahan meñ zabān chāhtā huuñ