Tags-Khuda

shohrat kī raushnī ho ki nafrat kī tīrgī
kyā kyā use diyā hai ḳhudā ne patā karo

tum ḳhudā ko to nahīñ mānte lekin sāhab
laakh tadbīr karo taak meñ taqdīr bhī hai

ek 'sāġhar' ḳhudā kā ghar hai bas
ġham kā jis jā nishāñ nahīñ hotā

vo ḳhudā jaane ghar meñ haiñ ki nahīñ
kuchh khulā aur kuchh hai band kivāḌ

ḳhudā go zarre zarre se ayaañ hai
magar zarra yahāñ kuchh bhī nahīñ hai

terā inkār kyā qayāmat hai
log kahne lage ḳhudā hī nahīñ

'mājid' ḳhudā ke vāste kuchh der ke liye
ro lene de akelā mujhe apne haal par

gale meñ us ke ḳhudā kī ajiib barkat hai
vo boltā hai to ik raushnī sī hotī hai

ḳhud apnā haal dil-e-mubtalā se kuchh na kahā
duā se haath uThā.e ḳhudā se kuchh na kahā

jānte haiñ kuchh hameñ insāñ-zada
farq insāñ aur ḳhudā ke qahr meñ

ḳhamoshī toḌ de ai ḳhāliq-e-arz-o-samā ab
tirī maḳhlūq ban baiThī ḳhudā hai intihā hai

ġhaur to kiije ki ye sajda-ravā kyuuñ kar huā
us ne jab kuchh ham se māñgā to ḳhudā kyūñkar huā

sahārā kyuuñ liyā thā nāḳhudā kā
ḳhudā bhī kyuuñ kare imdād merī

ye ishq 'jamīla' kā ai ḳhizr-e-rah-e-ulfat
mahbūb ke jalve ko asrār-e-ḳhudā jaanā

ḳhudā-sifat thā vo lamha ki jis meñ gum ho kar
zamīñ se āsmāñ ke dukh badal rahā thā maiñ

tum se pahle vo jo ik shaḳhs yahāñ taḳht-nashīñ thā
us ko bhī apne ḳhudā hone pe itnā hī yaqīñ thā

koī to āḳhir chalātā hai nizām-e-do-jahāñ
kaise mumkin hai ḳhudā.ī hai ḳhudā koī nahīñ

mirā haal pūchh ke ham-nashīñ mire soz-e-dil ko havā na de
bas yahī duā maiñ karūñ huuñ ab ki ye ġham kisī ko ḳhudā na de

saudā-garī nahīñ ye ibādat ḳhudā kī hai
ai be-ḳhabar jazā kī tamannā bhī chhoḌ de

mire ghar meñ to koī bhī nahīñ hai
ḳhudā jaane maiñ kis se Dar rahā huuñ