Tags-Khuda

ḳhudā ne jab shifā taqsīm kī saare zamāne meñ
tumhārī uñgliyoñ par us ne apne haath se likkhā

ḳhudā ko āzmā.ūñ lamha lamha
baḌī kāfir musalmānī hai mujh meñ

ḳhauf-e-ḳhudā kuchh aisā biThāyā ki al-amāñ
din meñ zarā sukūn na rāhat thī ḳhvāb meñ

rūh-e-sayyad pe ḳhudā jaane guzar jā.egī kyā
aam alī-gaḌh meñ huī kam-nazarī kahte haiñ

bā-īñ-hama darmāndagī insāñ ke ye da.ave
kyā zāt-e-sharīf in ko banāyā hai ḳhudā ne

nikle chale aate haiñ tah-e-ḳhāk se khāne
ye ḳhvān-e-karam kis ne bichhāyā hai ḳhudā ne

na butoñ ke na ab ḳhudā ke rahe
ham kahīñ ke na dil lagā ke rahe

maiñ ne vo nazm likhī hai ki ḳhudā jāntā hai
us kā har lafz ḳhudā.ī kā patā jāntā hai

mas.ala ye hai ki maiñ ḳhush huuñ akelā ho kar
is qadar ḳhush ki faqat merā ḳhudā jāntā hai

din to maiñ phir bhī kisī Dhab se bitā letā huuñ
raat jo mujh pe guzartī hai ḳhudā jāntā hai

ḳhudā kare ki rahe mehrbāñ sadā tum par
azīzo vaqt ki ik lamha bhī hamārā na thā

vo but ki deñ us ko to na gar de to laakh tūfāñ uThā ke dhar de
zabān phir saaf qat.a kar de jo muñh se nikle ḳhudā ḳhudā kar

maiñ payambar tirā nahīñ lekin
mujh se bhī baat kar ḳhudā mere

ka.abe meñ un kā nuur madīne meñ hai zuhūr
ābād donoñ ghar haiñ ḳhudā ke habīb se

nā-ḳhudā ke baġhair kuchh na banā
apnī kashtī bhī ḳhud Dubo na sake

had se ziyāda ham ne ḳhushāmad butoñ kī kī
ye log baḌhte baḌhte bil-āḳhir ḳhudā hue

duā merī ḳhudā se hai 'rishī' ye
amal denā mujhe go phal na denā

ḳhud tiir hadoñ meñ hoñ abhī sach hai ye 'manzūr'
us chashm-giraftār ko mānūñgā ḳhudā kyā

muñh kariye jis taraf ko so hī tirī taraf hai
par kuchh nahīñ hai paidā kīdhar hai a ḳhudā tū

ham bhañvar meñ the Dūbte hī ga.e
nāḳhudā to kabhī ḳhudā na huā