Tags-Khuda

ḳhudā ke aage 'adam' zikr-e-azmat-e-insāñ
ġhalat maqām pe taqrīr kar rahā huuñ maiñ

ḳhudā sunā hai rag-e-jāñ ke paas rahtā hai
magar tum aur bhī nazdīk aate jaate ho

ḳhudā jaane kahāñ hai 'asġhar'-e-dīvāna barsoñ se
ki us ko DhūñDhte haiñ kaaba o but-ḳhāna barsoñ se

ab ḳhudā maġhfirat kare us kī
'mīr' marhūm thā ajab koī

shart-e-irfān-e-ḳhudā 'anvar' hai ḳhud apnī talāsh
yuuñ to karne ko kisī kī justujū karte raho

ḳhudā kā ḳhauf nahīñ ab tumhāre zehnoñ meñ
tavahhumāt kā is tarah bhar gayā paanī

jo kahtā huuñ jafā.eñ chhoḌ do ahd-e-vafā le lo
to kahte haiñ ḳhudā se tum muqaddar dūsrā le lo

shorīdgī ke haath se hai sar vabāl-e-dosh
sahrā meñ ai ḳhudā koī dīvār bhī nahīñ

tumhārī baat pe kis ko yaqīn aa.egā
kisī se tum na ye kahnā ḳhudā ko dekhā hai

ai jaate baras tujh ko sauñpā ḳhudā ko
mubārak mubārak nayā saal sab ko

dard-o-ġham aur udāsī ke sivā kaun aatā
jin ko bhejā thā mire ghar meñ ḳhudā ne aa.e

ḳhudā ko yaad kartā huuñ to maañ kī yaad aatī hai
abhī azaloñ se gardāñ chaak kī miTTī kā nam ā.ankhoñ meñ raushan thā ki maiñ ne maañ ko dekhā thā

kisū ko mujh se ne mujh ko kisū se kaam rahtā hai
mire dil meñ sivā tere ḳhudā kā naam rahtā hai

us but ne ek baat na maanī shab-e-visāl
lākhoñ diye ḳhudā o payambar ke vāste

aa.ī hogī to maut aa.egī
tum to jaao mirā ḳhudā hāfiz

zarā sī der meñ kashkol bharne vaalā thā
mirā ḳhudā mujhe ḳhush-hāl karne vaalā thā

ḳhudā kare mirā munsif sazā sunāne par
mirā hī sar mire qātil ke rū-ba-rū rakh de

ham ḳhudā ke kabhī qaa.il hī na the
un ko dekhā to ḳhudā yaad aayā

kaun hogā jise maiñ apnā kahūñgā ai dil
rūThe jaate haiñ vo ġham-ḳhvār ḳhudā ḳhair kare

ab nahīñ ḳhair kisī sāhib-e-dil kī ai dost
aaj hai haath meñ talvār ḳhudā ḳhair kare