Tags-Khuda

añdherī raat jab sāvan meñ aatī thī to ik bulbul
ḳhudā jaane kahāñ se aa ke mere ghar chahaktā thā

ḳhudā jaane vo kaisā aadmī thā jis ke māthe par
koī bindiyā lagātā thā to ik jugnū chamaktā thā

ḳhudā jaane maiñ us ke saath rahtā thā ki ā.īna
mire parde meñ apne-āp ko hairat se taktā thā

ḳhudā hī jaane hone vaalā kyā hai
tirī qātil adā hai aur maiñ huuñ

kis ne dekhā hai ḳhudā kī maut ko
kis ne dekhī hai ḳhudā kī zindagī

Dubo.egā use kyā koī tūfāñ
ḳhudā kashtī kā jis kī nāḳhudā hai

jo ḳhud vāqif nahīñ manzil se apnī
ḳhudā baḳhshe hamārā rahnumā hai

ḳhudā bachā.e bagūloñ kī zad meñ aa.e haiñ
vo barg-e-sabz jo mauj-e-havā se Darte rahe

ishq-e-butāñ kā le ke sahārā kabhī kabhī
apne ḳhudā ko ham ne pukārā kabhī kabhī

milā hameñ bas ek ḳhudā
aur vo bhī bedard milā

duniyā se dar-guzar ki guzargah ajab hai ye
darpesh ya.anī 'mīr' hai jaanā jahāñ se bhī

ḳhudā uThā.e ye parda-e-ġham jo mil ke ham tum hoñ 'shād' bāham
to kaisī shādī ho ghar meñ pyāre idhar hamāre udhar tumhāre

ḳhudā dikhā.e jo vasl kī shab ḳhushī se gul-gul shagufta hoñ sab
jo daaġh dil par haiñ ġham ke maare idhar hamāre udhar tumhāre

nasīb agar phir huī vo sohbat baham jo guzrī miyān-e-ishrat
to kaam bigḌe ḳhudā sañvāre idhar hamāre udhar tumhāre

butoñ se huuñ bezār itnā ki bas ab
ḳhudā hī ḳhudā bas ḳhudā chāhtā huuñ

ham nahīñ vo jo kareñ ḳhuun kā da.avā tujh par
balki pūchhegā ḳhudā bhī to mukar jā.eñge

nā-ḳhudā kī niyyat kā khul gayā bharam to kyā
baat jab hai kashtī bhī Dūbne se bach jaa.e

is auj par na uchhālo mujhe havā kar ke
ki maiñ jahāñ se huuñ utrā ḳhudā ḳhudā kar ke

kyuuñ har ghaḌī zabāñ pe ho jurm-o-sazā kā zikr
kyuuñ har amal kī fikr meñ ḳhauf-e-ḳhudā kī shart

maiñ justujū se kufr meñ pahuñchā ḳhudā ke paas
ka.abe tak in butoñ kā mujhe naam le gayā