Tags-Khuda

tum to ai mehrbān anūThe nikle
jab aan ke paas baiThe rūThe nikle

mirī kashtī hai maiñ huuñ aur girdāb-e-mohabbat hai
jo tū ho nā-ḳhudā merā to beḌā paar ho jaa.e

mire masīhā ḳhudā aaj terā rakkhe bharam
nazar mujhe nahīñ aatā ye jī bahaltā huā

ho na māyūs ḳhudā se 'bismil'
ye bure din bhī guzar jā.eñge

phir maiñ bhī karūñ kyuuñ na 'hafīz' is pe tasallut
jāgīr nahīñ tab-e-ḳhudā-dād kisī kī

kī ḳhitābat ko gar ḳhudā samjhā
banda bhī āḳhir aadmī hī to hai

na hañse vo na gul dahan kā khulā
abhī nām-e-ḳhudā kalī hī to hai

ye jhūTe ḳhudā mil ke Dubo deñge safīna
tum hādī-e-bar-haq ko sadā kyuuñ nahīñ dete

shaiḳh-sāhab ḳhudā hī ban baiThe
hai burī chaaT pārsā.ī kī

kahīñ se koī tamannā duā meñ aa na sake
mire ḳhudā tū mire dil ko be-zabāñ kar de

kitnī sadiyoñ se use DhūñD rahe ho ba-sūd
aao ab merī taraf aao ḳhudā hai mujh meñ

mirā vajūd bhī kyā kuchh ḳhudā se miltā hai
savāl-e-shak se hai begāna merī hastī kyuuñ

baḌā azaab hai mahmūda-'ġhāziya' hijrat
mire ḳhudā mujhe apnī panāh meñ rakhnā

paiham sujūd pā-e-sanam par dam-e-vidā
'momin' ḳhudā ko bhuul ga.e iztirāb meñ

aatā hai jo tūfāñ aane de kashtī kā ḳhudā ḳhud hāfiz hai
mumkin hai ki uThtī lahroñ meñ bahtā huā sāhil aa jaa.e

vo ḳhudā hai to mirī ruuh meñ iqrār kare
kyuuñ pareshān kare duur kā basne vaalā

hamīñ ḳhudā ke sipāhī hamīñ muhājir bhī
the haq-shanās to phir rahnumā hamīñ Thahre

ye ḳhudā kī den ajiib hai ki isī kā naam nasīb hai
jise tū ne chāhā vo mil gayā jise maiñ ne chāhā milā nahīñ

is ḳhudā.ī se nahīñ koī ġharaz
ham ko bas nām-e-ḳhudā kaafī hai

tirī mahfil meñ ahl-e-dil ko jalva
nazar aa jā.egā shān-e-ḳhudā kā