Tags-Khuda

vaqār de ke kabhī be-vaqār mat karnā
hameñ ḳhudā ke liye sharmsār mat karnā

ḳhudā jaane 'asar' ko kyā huā hai
rahā kartā hai chup do do pahar tak

ḳhudā jaane ajal ko pahle kis par rahm aa.egā
giraftār-e-qafas par yā giraftār-e-nasheman par

dāman-o-dast-e-rasā baat ḳhudā-sāz to hai
nā-rasā.ī bhī mashiyyat hai ḳhudāyā terī

abhī to harf-e-tamannā kā zikr tak bhī nahīñ
abhī na Daal ḳhudā ke liye jabīñ pe shikan

taḌap kar dil ne manzil par mujhe chauñkā diyā varna
ḳhudā jaane ki tai kitnī masāfat aur ho jaatī

janāb-e-shāh-e-ġhulām-alī valī-allāh
ḳhudā ke fazl-o-karam se hai 'aish' piir apnā

sivā ḳhudā ke nahīñ koī dast-gīr apnā
vahī muiin hai aur hai vahī nasīr apnā

ek bas tū hī nahīñ mujh se ḳhafā ho baiThā
maiñ ne jo sañg tarāshā thā ḳhudā ho baiThā

karte hī nahīñ tark-e-butāñ taur-e-jafā kā
shāyad hamīñ dikhlāveñge dīdār ḳhudā kā

tire hī dil meñ hai jalva-farmā butoñ kī sūrat ḳhudā kā jaadū
yahī hai dair aur yahī hai ka.aba yahī mohabbat kā ghar hai pyāre

tamām lazzateñ duniyā ke dil meñ rakkhī haiñ
ḳhudā ne sukh ko magar apne ghar se joḌā hai

ḳhudā ne saada qalam se banāyā ham sab ko
tire vajūd ko apne hunar se joḌā hai

ḳhudā ne ḳhud ko ba-zāhir chhupā ke rakkhā hai
hamāre dil ko na jaane kidhar se joḌā hai

pesh hai marhala-e-saḳht ḳhudā ḳhair kare
but-kada raah meñ paḌtā hai haram se pahle

na diye kā hai na havā kā hai yahāñ jo bhī kuchh hai ḳhudā kā hai
yahāñ aisā koī diyā nahīñ jo jalā ho aur vo bujhā na ho

koī aisā sher bhī de ḳhudā jo tirī atā ho tirī atā
kabhī jaisā maiñ ne kahā na ho kabhī jaisā maiñ ne sunā na ho

shukr-e-ḳhudā ki zulm se ma.azūr hai falak
bartāniya hai ḳhalq kī ġham-ḳhvār āj-kal

gul-gūna-e-taraqqī-e-tahzīb-o-alam se
shukr-e-ḳhudā ki surḳh haiñ ruḳhsār āj-kal

sāmne hai jo use log burā kahte haiñ
jis ko dekhā hī nahīñ us ko ḳhudā kahte haiñ