Tags-Khudi

ab huā sab siiñ fāriġh-ut-tahsīl
be-ḳhudī kī kitāb dekhā huuñ

hosh āḳhir ko aa hī jaanā thā
lekin ab be-ḳhudī kā kyā kiije

pūchh baiThe haiñ hamārā haal vo
be-ḳhudī tū hī batā kyā kījiye

chāndnī rātoñ meñ ik ik phuul ko
be-ḳhudī kahtī hai sajda kījiye

be-ḳhudī meñ tire dīvāne jidhar jaate haiñ
manzileñ pūchhtī phirtī haiñ kidhar jaate haiñ

allāh re be-ḳhudī ki tire ghar ke ās-pās
har dar pe dī sadā tire dar ke ḳhayāl meñ

kyuuñ intihā-e-hosh ko kahte haiñ be-ḳhudī
ḳhurshīd hī kī āḳhirī manzil to raat hai

ye jo ik be-ḳhudī kā dariyā hai
is meñ mauj-e-tarab tumhārī hai

jo qalb ko zindagī na baḳhshe nazar ko kaif-o-ḳhudī na baḳhshe
vo zauq-e-sajda hai nañg-e-sajda ibādat-o-bandagī nahīñ hai

phir aur kyā hai agar zavāl-e-ḳhudī-o-ḳhud-āgahī nahīñ hai
dil-o-nazar ko ye kyā huā hai kahīñ bhī āsūdgī nahīñ hai

kho kar tirī galī meñ dil-e-be-ḳhabar ko maiñ
fikr-e-ḳhudī se chhūT gayā umr bhar ko maiñ

kasrat-e-jalva meñ gum hai dil hañgāma-faroz
be-ḳhudī kahtī hai merā koī hamrāz na ho

fursat-e-āghī bhī dī lazzat-e-be-ḳhudī bhī dī
maut ke saath saath hī aap ne āgahī bhī dī

gumnām the to sab kī taraf dekhte the ham
shohrat milī to apnī ḳhudī meñ simaT ga.e

ye to kahiye be-ḳhudī se mil ga.ī kuchh āgahī
varna dhokā de diyā thā chashm-e-bīnā ne mujhe

be-niyāz-e-fikr-e-manzil be-ḳhudī ne kar diyā
ab mire dāman pe dāġh-e-hasrat-e-manzil nahīñ

paa.eñ jo raushnī tirī jalva-garī se ham
ho leñ qarīb aur bhī kuchh be-ḳhudī se ham

hijāb-e-ḳhudī uTh gayā jab ki dil se
to parda koī phir na haa.el rahegā

be-usūlī usuul ho jaa.e
aap par aisī be-ḳhudī to nahīñ