Tags-Khushi

vo bhī ab ro rahe haiñ soch ke kuchh
thī ḳhushī jin ko mere marne kī

milte haiñ mudda.ī se milne do
ki mirī nā-ḳhushī ḳhushī hī sahī

'hairat' ke ġham-kade meñ ḳhushī kā guzar kahāñ
aap aa ga.e to raunaq-e-kāshāna ho ga.ī

maiñ tirī balā se ujaḌ gayā tirā hausla to nikal gayā
ye baḌī ḳhushī kā maqām hai ki ye iid bhī tire ghar huī

zinda rahte hue zindagī chhoḌ dī
ik ḳhushī ke liye har ḳhushī chhoḌ dī

is se pahle udāsī chhā jaa.e
maiñ ḳhushī kī ḳhabar se miltā huuñ

naved-e-aish se bhī lutf-e-aish mil na sakā
libās-e-ġham hī meñ aa.ī agar ḳhushī aa.ī

kar rahe haiñ vo ehtimām-e-ġham
ab to merī ḳhushī ḳhushī na rahī

duniyā meñ ḳhushī ko yaad na kar
ai ishq hameñ barbād na kar

chhoḌ aisī ḳhushī ko yaad na kar
ai ishq hameñ barbād na kar

vo mirā kaif-e-nazar vo be-ḳhudī vo sarḳhushī
fursat-e-nazzāra-hā-e-husn-e-jānāñ haa.e haa.e

kīdhar kī ḳhushī kahāñ kī shādī
jab dil se havas hī sab uḌā dī

daġhā de kar nikal jaatī hai aage
ḳhushī se log Darte kyuuñ nahīñ haiñ

vo aksar chheḌ dete haiñ mire derīna zaḳhmoñ ko
na jaane kyuuñ unheñ merī ḳhushī taklīf detī hai

jo apne sīnoñ meñ dil kī ba-jā-e-sañg rakhte haiñ
unheñ ham ahl-e-dil kī sarḳhushī taklīf detī hai

ho ḳhushī koī bhī jā kar paḌ ga.ī tere gale
ġham ho koī bhī vo aa kar bas mire siine lagā

parvāz sabab kaise ho bachchoñ kī ḳhushī kā
titlī kī tarah mus.haf-e-gul par bhī nahīñ ham

ḳhabar nahīñ ka.ī din se vo diq hai yā ḳhush hai
ḳhushī tabhī ho ki jab sun luuñ dil-rubā ḳhush hai

zarā bhī bigḌe to bigḌe zamāna sab mujh se
ḳhushī hai vo to har ik dost āshnā ḳhush hai

adīb-o-nāqid-o-naqqāsh-o-ahl-e-raqs-o-ġhinā
chaleñ ḳhushī se hukūmat kī chaal kyā kahiye