Collections

Lab Shayari

Motivational Ghazals

Best Khamoshi Shayari

More Collections

Tags-Khushi

ġham ke parde meñ ḳhushī bhī to chhipī hotī hai
ḳhush huā maiñ jo mire paañv meñ chhālā chamkā

dil ke aangan mein teri yaad ka tara chamka

kyā kahūñ maare ḳhushī ke haal merā kyā huā
aamad aamad jo huī kal nā-gahānī aap kī

bandagi humne to ji se apni Thani aap ki

kyā jaane kyā vahāñ se laayā ḳhushī kā muzhda
phūlā nahīñ samātā qāsid jo pairahan meñ

afsurdagi-e-dil se ye rang hai suKHan mein

ḳhushī kī baat aur hai ġhamoñ kī baat aur
tumhārī baat aur hai hamārī baat aur

KHushi ki baat aur hai ghamon ki baat aur

hone kī nahīñ terī ḳhushī sarv-ḳhirāmāñ
tā ḳhaak meñ ye be-sar-o-sāmāñ na milegā

aashiq to milenge tujhe insan na milega

tire nisār na dekhī koī ḳhushī maiñ ne
ki ab to maut ko samjhā hai zindagī maiñ ne

tere nisar na dekhi koi KHushi maine

ik ajab vahshat se dil sīnoñ meñ be-kal ho ga.e
chāñd kyā niklā ḳhushī se log pāgal ho ga.e

ek ajab wahshat se dil sinon mein be-kal ho gae

aaj milne kī ḳhushī meñ sirf maiñ jaagā nahīñ
terī āñkhoñ se bhī lagtā hai ki tū soyā na thā

fasle aise bhi honge ye kabhi socha na tha

desh kī ḳhātir ḳhushī se jo luTā dete haiñ jaañ
un shahīdān-e-vatan ke bāñkpan kī baat ho

baat ho dair-o-haram ki ya watan ki baat ho

agar terī ḳhushī hai tere bandoñ kī masarrat meñ
to ai mere ḳhudā terī ḳhushī se kuchh nahīñ hotā

agar teri KHushi hai tere bandon ki masarrat mein

vo jis kā zikr ham itnī ḳhushī se karte haiñ
vahī to umr meñ sab se udaas saal aayā

jab uski zulf mein pahla safed baal aaya

sabā kis gul ke aane kī ḳhushī aisī hai gulshan meñ
ki gul jaame meñ aaj apne nahīñ phūle samāte haiñ

ba-tasKHir-e-butan tasbih kyun zahid phiraate hain

tirī ḳhushī ne mirā hausla nahīñ dekhā
are maiñ apnī mohabbat se bhī mukar jaatā

simaT simaT si gai thi zamin kidhar jata

ġham kā bhī qayām kuchh na Thahrā
ronā kyā roiye ḳhushī kā

ab to nahin aasra kisi ka

'asad' ḳhushī se mire haath paañv phuul ga.e
kahā jo us ne zarā mere paañv daab to de

wo aa ke KHwab mein taskin-e-iztirab to de

aaj kitnī ḳhushī kā din thā 'arsh'
ab mujhe chāhiye ki mar jā.ūñ

mai-parasti mein hi guzar jaun

achānak aanā tumhārā aur is qadar chāhat
kahīñ ye dost mirī āḳhirī ḳhushī to nahīñ

har ek sans pe dhaDka ki aaKHiri to nahin

is aane kī kyā mujh ko ḳhushī pābandī is meñ kaahe kī
bhūle se idhar bhī aa nikle ik jogī kā sā pherā hai

dil le ke hamara phirta hai ye kaun watira tera hai

tumhārī āñkheñ ḳhushī kī ḳhvāhish liye huī thiiñ
tumhārī sochoñ meñ ahd-e-māzī kī silvaTeñ thiiñ

ki KHwab tha bas tumhaara aana

shahr ke bāzār kī raunaq meñ dil bujhne lage haiñ
ḳhuub ḳhush hone kī ḳhvāhish meñ ḳhushī kam ho rahī hai

ghar mein chizen baDh rahi hain zindagi kam ho rahi hai