Tags-Khwab

vo ḳhvāb dekhe zamāna guzar gayā lekin
sulag rahe haiñ darīche nigāh ke ab tak

samjho ki javānī ḳhvāb meñ hai ruḳh bāñhoñ kī mehrāb meñ hai
jab taare dhīme paḌ jaa.eñ jab sham.eñ maddham ho jaa.eñ

un ḳhvāb-ālūda āñkhoñ kī tarkīb samajh meñ aa jaa.e
ai 'shād' agar paimānoñ meñ mai-ḳhāne mudġham ho jaa.eñ

duniyā kī zindagī kā tasavvur hai sub.h-e-hashr
jaagā huuñ ḳhud ko ḳhvāb meñ bedār dekh kar

mirī hasrateñ miTeñgī mire ḳhvāb hoñge puure
mujhe apne is yaqīñ par zarā e'tibār kam hai

dikhāne lagtā hai vo ḳhvāb āsmānoñ ke
zamīñ se jab bhī maiñ mānūs hone lagtā huuñ

aañkh jal jaatī hai lekin ḳhvāb jhulsātī nahīñ
surma.ī Dherī kī ḳhunkī se janam legī bahār

mohabbatoñ ke jazīroñ ke ḳhvāb baaqī haiñ
vagarna din ke ujāle bhī raakh haiñ jaise

jo kah rahā ki niiñd uḌ ga.ī hai āñkhoñ se
ye shaḳhs pahle bahut ḳhvāb dekhtā hogā

āsār-e-ishq āñkhoñ se hone lage ayaañ
bedārī kī taraqqī huī ḳhvāb kam huā

ta.amīr meñ aatī hai nazar ḳhuun kī laalī
logoñ ne kise ḳhvāb kā me.amār kiyā hai

shaboñ ko ḳhvāb nahīñ ḳhvāb ko qarār nahīñ
ki zeb-e-dosh vo gesu-e-mushk-bār nahīñ

ga.e mausam meñ jo khilte the gulāboñ kī tarah
dil pe utreñge vahī ḳhvāb azāboñ kī tarah

nahīñ jā.egī kisī aañkh se kahīñ raushnī
koī ḳhvāb us ke azaab meñ nahīñ aa.egā

gaah qarīb-e-shah-rag gaah ba.īd-e-vahm-o-ḳhvāb
us kī rafāqatoñ meñ raat hijr bhī thā visāl bhī

vo aañkh khulne kā bhī intizār kartā nahīñ
darūn-e-ḳhvāb hī tābīr-e-ḳhvāb us kī talab

ḳhumār-e-qurmuzī se ātishīñ thā sāġhar-e-ḳhvāb
bharā thā muñh tire jāmun se baada laa.e hue

khulī jo aañkh to afsūn-e-ḳhvāb TuuT gayā
abhī abhī koī chehra mirī nazar meñ thā

tere ghar ḳhvāb meñ gayā thā ġhair
apnī āñkhoñ se ham ne dekhā hai

chale phir uTh ke usī ḳhvāb-zār meñ 'arshad'
abhī to us kī nazar kā ḳhumār dhoyā hai