Tags-Khwab

ḳhvāb sitāre palkoñ par
jhilmil jhilmil jhilmil dukh

jo ḳhvāb tum ne mujh ko sunāyā thā aur kuchh
ta.abīr kah rahī hai ki sapnā kuchh aur thā

duur se ghar nazar aayā raushan
saarī bastī meñ milā ek mirā ghar be-ḳhvāb

abhī se os ko kirnoñ se pī rahe ho tum
tumheñ to ḳhvāb sā āñkhoñ ke ghar meñ rahnā hai

us ne har soch kī zambīl ulaT kar rakh dī
aur maiñ ḳhvāb dikhāne kā sazā-vār huā

tumhāre ḳhvāb ġhanīmat haiñ bujhtī āñkhoñ ko
magar ye ḳhvāb hameñ niiñd se jagāte haiñ

ye jo har harf mire lafz kā uljhā huā hai
aise lagtā hai kahīñ ḳhvāb meñ sochā huā hai

pis ga.e dard kī chakkī kī siloñ meñ mire ḳhvāb
aañkh meñ niiñd nahīñ jism bhī TuuTā huā hai

ḳhvāb TuuTe the aur kirchiyāñ ab bhī āñkhoñ meñ paivast haiñ
ab ye kis muñh se phir ḳhvāb kī anjuman ne pukārā mujhe

kaise jānūñ ki jahāñ ḳhvāb-numā hotā hai
jabki har shaḳhs yahāñ ābla-pā hotā hai

tire havās pe taarī thā ab bichhaḌ jaanā
maiñ hosh meñ thī magar nīm-ḳhvāb honā paḌā

use be-numū kisī ḳhvāb ne kahīñ gahrī niiñd sulā diyā
use bhā ga.ī haiñ kahāvateñ use bhī qafas meñ sukūn hai

hasīnoñ ne rañgīni-e-ḳhvāb-e-shīrīñ
sunī jab hamārī kahānī luTā dī

vo ḳhvāb dekhe to dekhe mire havāle se
mire ḳhayāl ke sab manzaroñ kā sāthī ho

abhī ahl-e-havas duniyā meñ kyā kyā gul khilā.enge
abhī ahl-e-junūñ ḳhvāb-e-jahāñ-dārī meñ rahte haiñ

duniyā-e-ḳhvāb aur haqīqat ke darmiyāñ
thoḌā jo fāsla thā use bhī miTā gayā

ye kaun de rahā hai dar-e-dil pe dastakeñ
ye kaun mere ḳhvāb kī dīvār Dhā gayā

hijr ik vaqfa-e-bedār hai do nīñdoñ meñ
vasl ik ḳhvāb hai jis kī koī ta.abīr nahīñ

is kī kyā ta.abīr karūñ maiñ kuchh tū hī samjhā 'manzūr'
maiñ ne ḳhvāb meñ dekhā sahrā meñ ik dariyā bikhrā hai

afsāna mirā ḳhvāb-e-zuleḳhā-e-mohabbat
jalva hai tirā yūsuf-e-kan.ān-e-tamannā