Tags-Khwab

ḳhudā kare na kabhī mil sake davām-e-visāl
jiyeñge ḳhaak agar tere ḳhvāb hī se ga.e

bikhar rahī hai ḳhayāloñ meñ ḳhvāb kī ḳhushbū
vajūd ban ke kahāñ koī ḳhush-adā chamkā

de ke bū zulf kī rakh lo tah-mahram dil ko
ḳhvāb meñ phir na Daroge ye hai Dar kā ta.avīz

mujhe aisā lagtā hai jaise aañkh se ḳhvāb kā
vo jo rābta sā bahāl thā so nahīñ rahā

bikhartā jaatā hai kamre meñ cigaretoñ kā dhuāñ
paḌā hai ḳhvāb koī chaa.e kī pyālī meñ

meñ bach gayā huuñ magar saare ḳhvāb Duub ga.e
mirī tarah bhī samundar ko paar mat karnā

vo ek ḳhvāb jise gungunātā rahtā huuñ
kabhī to aa ke mirī aañkh meñ Thahar jaa.e

chimniyoñ se jo dhuāñ uTThā thā shāyad ḳhvāb thā
band darvāzoñ ke pīchhe kī kahānī aur hai

duniyā luTī to duur se taktā hī rah gayā
āñkhoñ meñ ghar ke ḳhvāb kā naqsha hī rah gayā

ye koī dil to nahīñ hai ki Thahar jā.egā
vaqt ik ḳhvāb-e-ravāñ hai so guzar jā.egā

dil shafaq-rañg huā Dūbte sūraj kī tarah
raat aa.egī to har ḳhvāb bikhar jā.egā

tamām-umr dil-e-ḳhud-nigar kī nazr huī
adhūre ḳhvāb haiñ dāman meñ tishna-lab bāteñ

ḳhvāb irfān-e-haqīqat ke tamannā.ī the
zindagī aur mirī rāhbarī rahnā thī

vo ḳhvāb jo merī zindagī the
vo kab ke raddī kī Tokarī meñ

ye shab-e-darāz bhī kaT ga.ī vo sitāre Duube vo pau phaTī
sar-e-rāh ġhaflat-e-ḳhvāb se ab uTho ki vaqt-e-sahar bhī hai

niiñd ne niiñd se chauñkā ke uThāyā mujh ko
ḳhvāb meñ ḳhvāb kī ta.abīr ujāgar huī hai

maiñ ek ret kā paikar thā aur bikhar bhī gayā
ajab thā ḳhvāb ki maiñ ḳhvāb hī meñ Dar bhī gayā

chaak dāman bhī hai muflis bhī hai be-ghar bhī hai
is liye zar kā use ḳhvāb nazar aatā hai

usī ne har shab kī sub.h kī hai har ik diye kī vo raushnī hai
kabhī mujassam bhī ho ke kah de ki dekh terā hī ḳhvāb maiñ huuñ

na itnā chāhiye ai pur-shikam ḳhvāb
ki tere haq meñ hai zālim sitam ḳhvāb