Tags-Khwab

ab aur kyā subūt vafā-dāriyoñ kā duuñ
dekhā jo us ne ḳhvāb meñ ta.abīr ban gayā

shaam hote hī jo dahlīz pe aahaT sī huī
mere āñgan se ka.ī ḳhvāb suhāne nikle

dard-e-furqat se tire zo.af hai aisā ham ko
ḳhvāb meñ bhī tire dushvār hai aanā ham ko

hai ajab e.ajāz ye us kī mohabbat kā 'zafar'
jāgtī āñkhoñ meñ ḳhvāb-e-zindagī maujūd hai

jo sochte rahe vo kar guzarnā chāhte haiñ
ki ḳhvāb āñkhoñ se ghar meñ utarnā chāhte haiñ

vo aa.e the baiThe the koī baat bhī kī thī
tū dekhtā hai ḳhvāb bhī kyā kyā dil-e-nādāñ

kho na jaa.e kahīñ har ḳhvāb sadāoñ kī tarah
zindagī mahv-e-tajassus hai havāoñ kī tarah

ḳhvāb ho jaane se pahle koī harf-e-ḳhush-kām
isī ummīd pe ye zehn-e-rasā jāgtā hai

maiñ tumheñ
us ḳhvāb se banā.ūñgā

vo merī āñkhoñ pe qābiz rahā 'siyā' lekin
kisī bhī ḳhvāb kī ta.abīr meñ nahīñ aayā

vo ek ḳhvāb ki āñkhoñ meñ jagmagā rahā hai
charāġh ban ke mujhe raushnī dikhā rahā hai

jañg kā faisla ho chukā hai to phir mere dil kī kamīñ-gāh meñ kaun hai
ik shaqī kāTtā hai tanābeñ mire ḳhema-e-ḳhvāb kī raat bhar yā aḳhī

manzar ye hashr-ḳhez jo pesh-e-nigāh hai
Dartā huuñ mere ḳhvāb kī tābīr ho na jaa.e

tirā aanā mire ghar ho gayā ghar ġhair ke jaanā
mujhe ma.alūm thī is ḳhvāb kī tābīr pahle se

ḳhvāb ko din kī shikastoñ kā mudāvā na samajh
niiñd par takiya na kar shab ko masīhā na samajh

āñkhoñ kī dahlīz pe aa kar baiTh ga.ī
terī sūrat ḳhvāb sajā kar baiTh ga.ī

guzar rahī hai tasavvur meñ zindagī apnī
ab 'ārzū' na sahī aarzū kā ḳhvāb to hai

bahut aziiz hai apne vatan kī ḳhaak hameñ
jo ḳhvāb āñkhoñ meñ aayā vo mo'tabar aayā

vo ḳhvāb saare jo ham ne dekhe
sarāb nikle azaab nikle

ḳhvāb sā ek jahāñ hai ki jahāñ sab kuchh hai
in jahānoñ se bahut duur bahut duur kahīñ