Tags-Khwab

az-bas yaqīn-e-vāda-e-dīdār-e-ḳhvāb thā
kyā ḳhush hue ki niiñd na aa.ī tamām shab

ḳhvāb meñ bhī nahīñ dekhā kabhī chehra us kā
dil ke ā.īne meñ sunte haiñ parī rahtī hai

vahāñ ab ḳhvāb-gāheñ ban ga.ī haiñ
uThe the āb-dīda ham jahāñ se

uThā laayā huuñ saare ḳhvāb apne
tirī yādoñ ke bosīda makāñ se

ik ḳhvāb ke fāsle pe lahū hai
kohsār ke surma.ī kināre

phir vahī qissa vo ik baar sunātā mujh ko
phir nigāhoñ meñ vahī ḳhvāb-sā manzar hotā

so gayā to ḳhvāb apne ghar meñ le aa.e mujhe
jaise merī vaqt se pahle rihā.ī ho ga.ī

sochā hai tumhārī āñkhoñ se ab maiñ un ko milvā hī duuñ
kuchh ḳhvāb jo DhūñDte phirte haiñ jiine kā sahārā āñkhoñ meñ

kirneñ bistar tak aatī haiñ TuuTe ḳhvāb uThāne ko
andar ke dukh kab chhupte haiñ in khiḌkī ke pardoñ se

ham vo panchhī jin ke ghar se duur basere hote haiñ
raat ko ḳhvāb ḳhayāl ke lashkar dil ko ghere hote haiñ

soch soch kar mar jaatī haiñ ḳhvāboñ kī ta.abīreñ bhī
ḳhvāb jo tere hote haiñ aur ḳhvāb jo mere hote haiñ

har shaam jald sone kī aadat hī paḌ ga.ī
har raat ek ḳhvāb zarūrī sā ho gayā

bujh ga.e jab mire sab ḳhvāb o charāġh o mahtāb
shahr-e-zulmat ko maiñ tab jā ke gavārā huā huuñ

hālāt ne jhiñjhoḌ ke hoshiyār to kiyā
jaage hue haiñ phir bhī to āsār ḳhvāb ke

rāt-bhar ḳhvāb meñ jalnā bhī ik bīmārī hai
ishq kī aag se bachne meñ samajhdārī hai

sochā thā mire saath chalegā jo safar meñ
ghar par vo mirā ḳhvāb-e-hasīñ chhūT gayā hai

ḳhvāb kā intizār ḳhatm huā
aañkh ko niiñd se jagāte haiñ

an-ginat āñkhoñ meñ ham jalte rahe bujhte rahe
ab bhale ḳhvāb hamārā koī dekhā na kare

ahl-e-dānish ne kabhī ḳhvāb meñ sochā bhī na thā
jurm ban jā.egā is daur meñ insāñ honā

tamīz-e-ḳhvāb-o-haqīqat hai shart-e-bedārī
ḳhayāl-e-azmat-e-māzī ko chhoḌ haal ko dekh