Tags-Khwab

na fikr koī na justujū hai na ḳhvāb koī na aarzū hai
ye shaḳhs to kab kā mar chukā hai to be-kafan phir ye laash kyuuñ hai

sazā ye dī hai ki āñkhoñ se chhīn liiñ nīndeñ
qusūr ye thā ki jiine ke ḳhvāb dekhe the

ik sunahrā ḳhvāb merī niiñd ko darkār hai
ḳhvāb ko bhī niiñd hī kī pāsbānī chāhiye

khulī āñkhoñ meñ Thahrā ḳhvāb kaise TuuT saktā hai
gumāñ ye zindagī bhar kā sahārā ho bhī saktā hai

na jaane kaun hai kyā hai kahāñ se aayā hai
vo merā ain hai yā ḳhvāb hai yā dhokā hai

sundar gulāb ḳhvāb to ḳhvāboñ kī baat hai
ye raat niiñd bhī to na laa.ī mire liye

raat ke ḳhvāb sunā.eñ kis ko raat ke ḳhvāb suhāne the
dhuñdle dhuñdle chehre the par sab jāne-pahchāne the

putliyāñ hiltī thiiñ jāpān kī guḌiyā kī tarah
ḳhvāb ā.ankhoñ ke darīche mujhe vāpas kar de

abhī to ḳhvāb dekhne kī umr thī mirī magar
abhī se jāgnā mirā nasīb kaise ho gayā

hālāt mire dil ko lagāne nahīñ dete
āñkhoñ meñ tire ḳhvāb sajāne nahīñ dete

kuchh ḳhvāb mirī zaat se baḌh kar bhī to haiñ jo
phir dil ko tirī aas lagāne nahīñ dete

shaam hone ko hai aur aañkh meñ ik ḳhvāb nahīñ
koī is ghar meñ nahīñ raushnī karne vaalā

har shaam ek ḳhvāb-e-sahar meñ guzār dī
har sub.h ek shām-e-alam dekhte rahe

bas aañkh khulte hī tābīr-e-ḳhvāb mil jaa.e
ye kis tarah ke taqāze hameñ sahar se haiñ

vo sarāpā hai ḳhvāb ḳhushbū kā
jhoñkā jhoñkā bikhar na jaa.e kahīñ

sun ke ik ḳhvāb hasīñ mere muabbir ne kahā
ye tirā ḳhvāb tire ḳhvāb kī ta.abīr bhī hai

jin kī āġhosh-e-tasavvur meñ hai vo huur jamāl
kahīñ sach ho na yahī ḳhvāb-e-pareshāñ un kā

ham shab-e-hijr ke jaage na qayāmat meñ uTheñ
jab talak ḳhvāb se chauñkā.e na armāñ un kā

samand-e-ḳhvāb vahāñ chhoḌ kar ravāna huā
jahāñ surāġh-e-safar koī naqsh-e-pā na huā

de chukī niiñd apnī manzūrī
kar liye jaa.eñ saare ḳhvāb talab