Collections

Lab Shayari

Motivational Ghazals

Best Khamoshi Shayari

More Collections

Tags-Khwab

us kī āñkheñ ajiib āñkheñ thiiñ
ḳhvāb jin meñ kabhī sajā hī nahīñ

us ka koi mujhe pata hi nahin

mire qarīb koī ḳhvāb kaise aa paatā
ki mujh meñ rahte haiñ barsoñ se ratjage raushan

hue hain phir se andheron ke hausle raushan

chand lamhoñ kī rifāqat meñ ka.ī ḳhvāb hasīñ
lāla-o-gul ko dikhāte haiñ chale jaate haiñ

dil mein ek shor uThate hain chale jate hain

sulagte daaġh dil se dho rahe the
adhūre ḳhvāb puure ho rahe the

sulagte dagh dil se dho rahe the

koī hunar to mirī chashm-e-ashk-bār meñ hai
ki aaj bhī vo kisī ḳhvāb ke ḳhumār meñ hai

koi hunar to meri chashm-e-ashk-bar mein hai

ḳhvāb-dar-ḳhvāb chalā kartā hai āñkhoñ meñ jo shaḳhs
DhūñDne nikleñ use aur kahīñ rahtā hī na ho

ye bhi mumkin hai ki aankhen hon tamasha hi na ho

ik dhund ki rānoñ meñ pighaltī huī paa.ī
ik ḳhvāb ki zarre meñ utarte hue dekhā

kya tumne kabhi zindagi karte hue dekha

chamke duurī meñ kuchh aks nishānoñ ke
terī aañkh meñ ḳhvāb-e-jamīl jahānoñ ke

chamke duri mein kuchh aks nishanon ke

dekhī thī ek raat tirī zulf ḳhvāb meñ
phir jab talak jiyā maiñ pareshān hī rahā

dekhi thi ek raat teri zulf KHwab mein

bikhar gayā thā jo kal raat kirchiyoñ kī tarah
mirī nigāh vo TuuTā sā ḳhvāb māñge hai

gulab mange hai ne mahtab mange hai

lams kī ta.abīr se nā-āshnā
ḳhvāb ke jaisā badan rakhnā bhī kyā

yun tah-e-shabnam chaman rakhna bhi kya

zamāna karvaTeñ letā hai ta.amīrī irādoñ se
na jaane terī āñkhoñ meñ rahe ḳhvāb-e-girāñ kab tak

mazaq-e-gham se nikhrega shuur-e-karwan kab tak

parindoñ kī parvāz qaa.em rahe
ka.ī ḳhvāb shāmil uḌānoñ meñ haiñ

udasi ke manzar makanon mein hain

jaane kis paar jā ke utreñge
ḳhvāb ke jo bhī dar banā.e haiñ

dur aur pas ke satae hain

ḳhvāb de kar ye phuul laayā huuñ
kahiye mahñgā milā hai yā sastā

main yahan shor kis liye karta

har ek rañg har ik ḳhvāb ke hisār meñ tū
ki āñsuoñ kī tarah chashm-e-intizār meñ tū

har ek rang har ek KHwab ke hisar mein tu

raat bhar ḳhvāb dekhne vaale
din kī sachchā.iyoñ meñ chīḳh uThe

raat bhar KHwab dekhne wale

zindagī tū mujhe kis moḌ pe le aa.ī hai
ḳhvāb khulte the jahāñ barf vahāñ chhā.ī hai

ye wo basti hi nahin

nam kī tarsīl se āñkhoñ kī harārat kam ho
sard-ḳhānoñ meñ koī ḳhvāb purānā na paḌe

khel donon ka chale tin ka dana na paDe

ḳhvāb to ḳhvāb haiñ ta.abīr badal kar dekhūñ
us pahelī ko zarā maiñ bhī to hal kar dekhūñ

KHwab to KHwab hain tabir badal kar dekhun