Tags-Khwab

vo āñkheñ jin meñ ḳhvāb haiñ
vo dil hai jin meñ aarzū

kuchh ham ne ḳhvāb aise paal rakkhe haiñ ki jo ham ko
haqīqat kī zamīñ par paañv rakhne hī nahīñ dete

ḳhayāl-o-ḳhvāb ke dariyā ke paar asar bhī ga.e
jidhar hameñ nahīñ jaanā thā ham udhar bhī ga.e

vo saare ḳhvāb-zada log apne ḳhvāb ke saath
sañvarte rahne ke imkān meñ bikhar bhī ga.e

unheñ ḳhvāb meñ bhī na dhyān aayā mirā
ye rūh-e-haqīqat gumāñ tak na pahuñchī

jamī rahegī nigāhoñ pe tīrgī din bhar
ki raat ḳhvāb meñ taare utar ke aa.e bahut

lazzat-e-ḳhvāb se begāna haiñ māh-o-anjum
sunñe vaale haiñ ye shāyad mire afsānoñ ke

kyā kisī ḳhvāb kī talāfī hai?
aañkh kī dhajjiyoñ kā uḌ jaanā

ḳhvāb meñ amritā ye kahtī thī
in se koī sila nahīñ beTā

yahī hai zindagī kuchh ḳhvāb chand ummīdeñ
inhīñ khilaunoñ se tum bhī bahal sako to chalo

guzar chuke haiñ badan se aage najāt kā ḳhvāb ham hue haiñ
muhīt sāñsoñ ke paar jā kar bahut hī nāyāb ham hue haiñ

sub.h kā ḳhvāb magar ḳhvāb ajab jāñ-levā
mere pahlū meñ sisaktī huī martī huī shaam

ā.īna-dar-ā.īna khulegā chaman-e-aks
ta.abīr ke dar ḳhvāb pas-e-ḳhvāb khuleñge

kyuuñ na mahkeñ gulāb āñkhoñ meñ
ham ne rakkhe haiñ ḳhvāb āñkhoñ meñ

andarūñ niiñd kā ik ḳhālī makāñ hotā thā
merī āñkhoñ meñ tirā ḳhvāb nihāñ hotā thā

ḳhushk khajūr ke pattoñ se jab niind kā bistar sajtā thā
ḳhvāb-nagar kī shahzādī galiyoñ meñ aan nikaltī thī

kahīñ pe ḳhvāb kahīñ ḳhvāb kā gumāñ niklā
yahāñ bhī aadmī āḳhir ko be-nishāñ niklā

ruke raheñge fasīl-e-zulmat ke dā.ere par sabhī musāfir
magar kisī ḳhvāb ke jilau meñ charāġh niklegā kārvāñ se

rukī huī hai jo ek mauj-e-sarāb kī sat.h par ye duniyā
to maiñ bhī us ḳhvāb ke nagar kā subūt lā.ūñgā dāstāñ se

musāfir-e-ḳhvāb ke liye haiñ ye merī āñkhoñ ke phuul 'sājid'
aur ik sitāre ke dekhne ko ye aag utrī hai sham.a-dāñ se