Tags-Khwab

jurm hai ḳhvāb dekhnā bhī kyā
rāt-bhar chashm-e-tar se pūchhte haiñ

adhūre ḳhvāb ga.e din ajaan andeshe
mirī hayāt pe kis kis kā iḳhtiyār rahā

phir tīrgī-e-shab meñ nazar aa.ī na.ī shakl
ab dekh ki kis ḳhvāb kā dar aañkh pe vā hai

'valī' mujh dil meñ aatā hai ḳhayāl-e-yār-e-be-parvā
ki jyuuñ añkhiyāñ manīñ aatā hai ḳhvāb āhista āhista

palak jhapakne meñ kuchh ḳhvāb TuuT jaate haiñ
jo but-shikan hai vahī lamha but-tarāsh bhī thā

ḳhud to bāhar hue ham ḳhāna-e-dil se lekin
vo kisī ḳhvāb meñ thā us ko yahīñ rahne diyā

dikhā.ī detā hai jo kuchh kahīñ vo ḳhvāb na ho
jo sun rahī huuñ vo dhokā na ho samā.at kā

jal uThne meñ jal bujhne meñ ik lamha lagā thā
phir ḳhvāb sar-e-dīd uḌāte hī rahe ham

ḳhvāb the pāyāb is kā dukh nahīñ kab thī ḳhabar
mujh ko ta.abīroñ kī ik be-qāmatī taḌpā.egī

dekh kar sahrā meñ ḳhvāb-e-gulsitāñ
thak chukī hai rah-ravī ab ghar chaleñ

jo raat ḳhvāb meñ us fitnagar ko dekhte haiñ
na pūchh ham jo qayāmat sahar ko dekhte haiñ

jāgte meñ raat mujh ko ḳhvāb dikhlāyā gayā
ban ke shāḳh-e-gul mirī āñkhoñ meñ lahrāyā gayā

rote rote os bolī merā chehra dekh kar
tum batāo kyā milā hai ḳhvāb us kā dekh kar

mirī be-ḳhudī hai vo be-ḳhudī ki ḳhudī kā vahm-o-gumāñ nahīñ
ye surūr-e-sāġhar-e-mai nahīñ ye ḳhumār-e-ḳhvāb-e-girāñ nahīñ

ye hayāt ālam-e-ḳhvāb hai na gunāh hai na savāb hai
vahī kufr-o-dīñ meñ ḳharāb hai jise ilm-e-rāz-e-jahāñ nahīñ

maiñ apnī niiñd davāoñ se qarz letā huuñ
ye qarz ḳhvāb meñ koī utaar jaatā hai

kuchh na samjhe haqīqat-e-ālam
saarā hañgāma ek ḳhvāb meñ hai

hosh aa.egā ab qayāmat ko
saarī duniyā abhī to ḳhvāb meñ hai

ḳhvāb kī bastī meñ afsāne kā ghar
sham.a kī lau par hai parvāne kā ghar

dil ke āñgan meñ ugegā ḳhvāb kā sabza zarūr
shart hai āñkhoñ meñ apnī kuchh namī baaqī rahe