Tags-Naqab

rah-e-hayāt meñ ham chāk-e-dil se dekheñge
jahāñ jahāñ bhī ruḳh-e-dahr par naqāb rahā

naqāb se tire abrū jo salḳh ko khul jaa.eñ
tū māh-e-nūr hai charḳh-e-kuhan ke parde meñ

log chehroñ pe chehre rakhte haiñ
tum bhī koī naqāb le jaao

yuuñ naqāb-e-ruḳh muqābil se uThī
chashm-e-sad-nazzāra mushkil se uThī

āñkhoñ ke andar jaa.e ġhair āñkhoñ ke uupar hai naqāb
ḳhalvat meñ haiñ do anjuman ek is taraf ek us taraf

dekh ai dil vo uTh rahī hai naqāb
ab nazar āzmā.ī jaatī hai

ḳhudā ba-ḳhair kare zabt-e-shauq kā anjām
naqāb merī nazar se uThā.ī jaatī hai

naqāb us ne ruḳh se uThā.ī to lekin
hijābāt kuchh darmiyāñ aur bhī haiñ

go havā-e-gulsitāñ ne mire dil kī laaj rakh lī
vo naqāb ḳhud uThāte to kuchh aur baat hotī

jab ruḳh-e-husn se naqāb uThā
ban ke har zarra āftāb uThā

ham to āñkhoñ kā nuur kho baiThe
un ke chehre se kyā naqāb uThā

ab uThāo naqāb āñkhoñ se
ham bhī chun leñ gulāb āñkhoñ se

shab-e-firāq kī zulmat hai nā-gavār mujhe
naqāb uThā ki sahar kā hai intizār mujhe

ummīd-vār baaqī kuchh aur rah ga.e haiñ
phir bhī naqāb-e-gesū muñh se haTā.iyegā

kitne chehre haiñ naqāb-ālūda
lau charāġhoñ kī baḌhā kar dekho

ye sab ġhalat hai jo yuuñ haiñ kahte ki us kā mukhḌā naqāb meñ hai
naqāb kyā hai vo sharmgīñ to naqāb se bhī hijāb meñ hai

mujh ko ye aarzū vo uThā.eñ naqāb ḳhud
un ko ye intizār taqāzā kare koī

rañgīni-e-naqāb meñ gum ho ga.ī nazar
kyā be-hijābiyoñ kā taqāzā kare koī

kisī meñ taab kahāñ thī ki dekhtā un ko
uThī naqāb to hairat naqāb ho ke rahī

haañ kyā huā vo hausla-e-dīd-e-ahl-e-dil
dekho nā vo naqāb uThā.e hue to haiñ