Tags-Naqab

uljhe jo raqīb se vo kal pī ke sharāb
kahte haiñ huā chaak kashākash meñ naqāb

hamārī fahm-e-nā-rasā ke vāste bachā hī kyā
ki husn-e-kā.enāt to tirā naqāb ho gayā

ye kyā sitam hai vasl meñ muñh par naqāb hai
qurbān is hayā ke ye kaisā hijāb hai

sar-e-mahshar vo yār-e-sho.ala-rū jab be-naqāb aayā
to ahl-e-hashr chīḳh uTThe zamīñ par āftāb aayā

vufūr-e-shauq meñ laila-e-shab ke chehre se
naqāb-e-zulf-e-pareshāñ uThā rahā hai charāġh

mudām sāmne ġhairoñ ke be-naqāb rahe
isī pe kahte ho tum parda-dār ham bhī haiñ

ġham-o-alam ranj-o-yās-o-hasrat uThā.ūñgā sab ke ruḳh se parde
tumheñ qasam hai dil hazīñ kī uThāo to tum naqāb pahle

go havā-e-gulsitāñ ne mire dil kī laaj rakh lī
vo naqāb ḳhud uThāte to kuchh aur baat hotī

ġhamoñ pe tabassum kī Daalī naqāb
to hone lagī aur be-pardagī

vo sach ke chehre pe aisā naqāb chhoḌ gayā
ruḳh-e-hayāt pe jaise azaab chhoḌ gayā

hai husn kā fusūñ bhī ilāj-e-fasurdagī
ruḳh se naqāb uThā ki tabī.at udaas hai

mirī nazar ki jise chāhe be-naqāb kare
ḳhudā vo din to dikhā.e jo tū hijāb kare

vo zulmateñ jo ujāloñ ke ghar meñ rahtī haiñ
unheñ bhī misl-e-sahr be-naqāb honā hai

ho gayā jab se be-naqāb koī
sham.a raushan na phir kisī ne kī

mai-kashoñ se hijāb kyā ma.anī
sāmne be-naqāb aa saaqī

jo Daale rahte haiñ chehroñ pe maslahat kī naqāb
kyā aise logoñ meñ terā shumār maiñ bhī karūñ

ab imtiyāz-e-parda-o-jalva nahīñ mujhe
chehre se kyuuñ naqāb uThā.e hue ho tum

merī fariyād se vo taḌap jā.eñge mere dil ko malāl is kā hogā magar
kyā ye kam hai ki vo be-naqāb ā.eñge marne vaale kā armāñ nikal jā.egā

aap apnī naqāb hai pyāre
ye bhī koī hijāb hai pyāre

vo rind-e-bāda-kash huuñ ki 'mā.il' pas-e-fanā
jalve ne tire qahr uThāyā naqāb meñ