Tags-Nasha

miliye us shaḳhs se jo aadam hove
naaz us ko kamāl par bahut kam hove

mai-e-kohna meñ thā nasha-dar-nasha
magar jo maza taaza paanī meñ thā

ishq kī bū thī tajassus kā nasha shauq kā rañg
sāġhar-e-gul meñ tire vāste Dhāle ga.e ham

us ke ba.ad:
bhīgī raat kā nashsha TuuTā Duub gayā hai chaḌhtā chāñd

kyuuñ sāqī-e-ḳhurshīd-e-jabīñ kyā hai nasha huuñ
sab yūñhī chaḌhā jā.ūñ mai-e-nūr kī gardan

is liye mujh ko pasand aatā hai sahrā kā sukūt
is kā nashsha tirī bātoñ kī tarah hotā hai

nashsha hī meñ yā ilāhī mai-kashoñ ko maut de
kyā guhar kī qadr jab āb-e-guhar jaatā rahā

us ke milne kī ḳhushī ho yā bichhaḌ jaane kā ġham
hosh rahtā hī nahīñ aisā nasha donoñ meñ hai

nashsha thā zindagī kā sharāboñ se tez-tar
ham gir paḌe to maut uThā le ga.ī hameñ

maiñ duā māñgūñ to dil mujh se ḳhafā ho jā.egā
sar jhukā to sar ko sajdoñ kā nasha ho jā.egā

ḳhuun kā ik qatra varna phir maut kā nashsha hogā
par aisī shai kab hotī hai parvāzoñ ke pīchhe

tishna tishna se badan meñ hai sharābī nashsha
chashma-e-faiz tirī aañkh se phir jaarī hai

na sunoge 'soz' kī guftugū jo phiroge DhūñDne kū-ba-kū
ye nasha hai us ke bayān meñ ki nahīñ nasha hai sharāb meñ

ik to in āñkhoñ meñ nashsha thā balā kā us par
ham ko marġhūb hai kaifiyyat-e-bāda yuuñ bhī

terī āñkhoñ meñ jo nasha hai pazīrā.ī kā
rañg bhar de na mirī ziist meñ rusvā.ī kā

tum aa ga.e ho to mujh ko zarā sambhalne do
abhī to nashsha sā āñkhoñ meñ intizār kā hai

rañg-e-shafaq sabze kā nasha kuchh nahīñ āñkhoñ meñ
duur ḳhalā meñ dekh rahā huuñ manzar-vanzar kyā

us ne paḌhī namāz to maiñ ne sharāb pī
donoñ ko lutf ye hai barābar nasha huā

donoñ kā lā-shu.ūr hai itnā milā huā
us ne jo pī sharāb to mujh ko nasha huā