Tags-Neend

niiñd miTTī kī mahak sabze kī ThanDak
mujh ko apnā ghar bahut yaad aa rahā hai

parī kyuuñ niiñd kī utre mirī palkoñ ke āñgan meñ
ki maiñ ne paal kar dil meñ ajab bohrān rakkhā hai

sub.h-dam aaj
mirī niiñd bharī aañkh

purkhoñ se unvān sunā hai bhuuk aur niiñd meñ rishta hai
aaj kī raat kaThin guzregī aaj to ghar meñ kuchh bhī nahīñ

ḳhud-dārī bhī kachchā shīsha fankārī bhī kachchī niiñd
sab kuchh kho kar ye paayā hai shahr-e-hunar meñ kuchh bhī nahīñ

vo kyā chain se soyā hogā
merī niiñd ko pañkh lagā kar

tamām-umr kī bedāriyāñ bhī sah leñge
milī hai chhāñv to bas ek niiñd so leñ aaj

zarroñ meñ jumbish thī koī chhā.ī thī fazā par mad-hoshī
ik niiñd thī har shai par taarī qudrat bhī thī mahv-e-ḳhāmoshī

niiñd uḌtī rahegī āñkhoñ se
jashn ye rāt-bhar rahegā kyā

niiñd kuchh kar le ki taaza aañkh pe sūraj khule
sub.h sāhil par utarnā hai to is kashtī meñ aa

de do na ek baar mirā saath jān-e-man
aatī nahīñ hai niiñd mujhe raat jān-e-man

ridā-e-zulf meñ guzrī thī ik shab
magar āñkhoñ meñ ab tak niiñd sī hai

bojhal āñkheñ kab tak āḳhir niiñd ke vaar bachā.eñgī
phir vahī sab kuchh dekhnā hogā sub.h se jo kuchh dekhā hai

aap dekheñ ye mirī niiñd se bojhal āñkheñ
ho chukī raat ijāzat ho to ghar jaate haiñ

sab hameñ dekhne aate haiñ magar
niiñd āñkhoñ se ḳhafā ho jaise

TuuTī hai merī niiñd magar tum ko is se kyā
bajte raheñ havāoñ se dar tum ko is se kyā

savāl ban ke sulagte haiñ raat bhar taare
kahāñ hai niiñd hamārī vo bas yahī pūchheñ

niiñd lagtī hai chamakte hue sūraj kā shikār
ḳhvāb āñkhoñ ke nivāle nazar aate haiñ mujhe

ḳhvāb ke sūkhe hue ḳhākoñ meñ lazzat kā ġhubār
niiñd ke dīmak-zada gatte ke pīchhe intizār

ye kaun hai laboñ meñ rasīlī ruteñ ghulīñ
palkoñ kī oT niiñd meñ gul-gūñ gagan paḌe