Tags-Phool

saat suroñ kī lahroñ pe halkore lete phuul se haiñ
ik mad.hosh fazā suntī hai ik chiḌiyā ke gaane ko

pur-ziyā bazm-e-masarrat hai ziyā-e-ġham se
jis jagah phuul mahaktā hai vahāñ ḳhaar bhī hai

phuul barsā.e haiñ kyā kyā teġh-e-ḳhūñ-āshām ne
tum ne shahar-e-gul-azārāñ ko gulistāñ kar diyā

jo tere baaġh meñ mazdūriyāñ kareñ 'amjad'
khileñ vo phuul bhī ik martaba jo tū chāhe

kitnā sākit nazar aatā hai havāoñ kā badan
shāḳh par phuul bhī pathrāyā huā lagtā hai

tere ġhamze zindagānī bhar na bhūleñge mujhe
phuul sī kalġhī mulā.em par na bhūleñge mujhe

vo shāḳhche chhū ke sabz karne ke fan se vāqif
jo phuul hāthoñ meñ pālte the kahāñ ga.e vo

phuul chunñā
bārishoñ meñ bhīgnā

vo abhī phuul se nahīñ miltī
jūhiye kī kalī se miltī hai

chahār samt se le le ke paanī abr aayā
khile jo phuul to jaanā chaman meñ aag lagī

na phuul jaao 'nasīm' un ke phuul pheñke par
guloñ kī mehr-o-mohabbat ko kuchh qayām nahīñ

raat ke āñgan meñ sūraj ke musāfir kā qayām
phuul se jismoñ ko zaḳhmoñ kī qabā de jā.egā

ab bhī sāzoñ ke taar hilte haiñ
ab bhī shāḳhoñ pe phuul khilte haiñ

phuul ban kar jo jiyā hai vo yahāñ maslā gayā
ziist ko faulād ke sāñche meñ Dhalnā chāhiye

phuul par os hai aariz pe namī ho jaise
us ke chehre pe mirī aañkh dharī ho jaise

dard ke silsile
phuul afsurda kaliyāñ niDhāl

is kā ġhuncha-dahan
adh-khule phuul sā

abhī na pūchho ki lāla-zāroñ se uTh rahā hai dhuāñ vo kaisā
magar ye dekho ki phuul banñe kā ārzū-mand ḳhaar kyā hai

jo tirī zulf pe jā kar na khile phuul vo kyā
jo na uljhe tire dāman se vo kāñTā kyā hai

jahāñ se ḳhvāb āñkhoñ meñ jage the
jahāñ se phuul juuḌe meñ saje the