Collections

Lab Shayari

Motivational Ghazals

Best Khamoshi Shayari

More Collections

Tags-Phool

terī samt jaane ke rāstoñ meñ zinda huuñ
phuul ho chukā huuñ aur ḳhushbuoñ meñ zinda huuñ

teri samt jaane ke raston mein zinda hun

jān-e-bahār phuul nahīñ aadmī huuñ maiñ
aa jā ki muskurā.e zamāne guzar ga.e

pi pi ke jagmagae zamane guzar gae

tirī phuul sī saarī bātoñ pe thū thū
tirī bholī-bhālī sī sūrat pe la.anat

tere wasl pe teri qurbat pe lanat

phuul shāḳhoñ pe bhī murjhā ke bikhar jaate haiñ
tū ho gar saath tire saath se jī Dartā hai

din guzar jata hai par raat se ji Darta hai

ye jashn-e-tarab aur ye be-rañgī-e-mahfil
do phuul bhī kyā vaqt ke dāman meñ nahīñ haiñ

wo kaun se KHatre hain jo gulshan mein nahin hain

phuul jo hai apne gulshan kā sipar kā phuul hai
har shajar is baaġh meñ laatā hai phal talvār kā

gham nahin go ai falak rutba hai mujhko Khaar ka

phuul sā phir mahak rahā huuñ maiñ
phir hathelī meñ vo kalā.ī hai

phir wahi mausam-e-judai hai

vo ā.īna ho yā ho phuul taara ho ki paimāna
kahīñ jo kuchh bhī TuuTā maiñ yahī samjhā mirā dil hai

wo aaina ho ya ho phul tara ho ki paimana

dukh-dard ke peḌoñ par ab ke jo bahār aa.ī
phal phuul bhī aa.e haiñ ġhamgīn tabī.at ke

shauqin mizajon ke rangin tabiat ke

maiñ abhī sīḌhiyāñ chaḌhūñgā
aur dhuup meñ rakhe hue phuul

siDhiyan ek mamuli mukalima

lafz to lafz haiñ kāġhaz se bhī ḳhushbū phūTe
safha-e-vaqt pe vo phuul khilā.e rakhnā

kabhi aankhon pe kabhi sar pe biThae rakhna

shāḳh pe phuul khile hoñ bhī to kuchh farq nahīñ
tum bahāroñ ko bhī ab daur-e-ḳhizānī likhnā

fikr ko KHwab KHayalat ko fani likhna

khile jo phuul vo dast-e-ḳhizāñ ne chhīn liye
nasīb-e-dāman-e-fasl-e-bahār kuchh bhī nahīñ

maal-e-gardish-e-lail-o-nahaar kuchh bhi nahin

sirf āñkhoñ kī tasallī ke liye hai ye sair
rañg lete haiñ na ham phuul se bū lete haiñ

jam lete hain na pine ko subu lete hain

dhuup kā phuul girā shāḳh-e-shafaq se jis dam
din kā chehra nazar aatā thā shikan-dār bahut

shahr-e-ehsas mein zaKHmon ke KHaridar bahut

khol ke khiḌkī chāñd hañsā phir chāñd ne donoñ hāthoñ se
rañg uḌaa.e phuul khilā.e chiḌiyoñ ko āzād kiyā

aaj zara fursat pai thi aaj use phir yaad kiya

shabnam se tar thā mere sirhāne kā surḳh phuul
lekin abhī to raat kā pichhlā pahar na thā

jab tak wo shoala-ru mere pesh-e-nazar na tha

merī qismat meñ haiñ patthar tirī qismat meñ haiñ phuul
apnī shohrat se na andāza-e-rusvā.ī kar

yusufi gar nahin mumkin to zuleKHai kar

roz ik baaġh guzartā hai isī raste se
roz kashkol meñ ik phuul dharā hotā hai

roz ek bagh guzarta hai isi raste se

phuul kī patī bhī hai baar mujhe 'manzūr'
dekhoge to lagtā huuñ ik patthar bhī

aag jo bahar hai pahunchegi andar bhi