Tags-Phool

savāl phuul se nāzuk javāb zaḳhmoñ ke
bahut ajiib haiñ ye inqalāb zaḳhmoñ ke

yuuñ sitamgar nahīñ hote jānāñ
phuul patthar nahīñ hote jānāñ

phuul barsā.eñ ki vo hañs ke girā.eñ bijlī
koī bhī ḳhaas karam ho to ġhazal hotī hai

phuul gulshan meñ mor jañgal meñ
sīm-e-sub.h-o-zar-e-masā dekhā

ye sitam aur ki ham phuul kaheñ ḳhāroñ ko
is se to aag hī lag jaa.e saman-zāroñ ko

kal jahāñ phuul khile jashn hai zaḳhmoñ kā vahāñ
dil vo gulshan hai ujaḌ kar bhī jo vīrāñ na huā

Tiis bhī Tiis na thī zaḳhm-e-jigar hone tak
phuul bhī phuul na thā ḳhuun meñ tar hone tak

us ne chaTTān meñ ik phuul khilāyā to kyā
pattharoñ ko na badalnā thā na patthar badle

ḳhār-e-chaman the shabnam shabnam phuul bhī saare giile the
shāḳh se TuuT ke girne vaale patte phir bhī piile the

zauq-e-takallum par urdu ne raah anokhī kholī hai
rañg kī gahrā.ī naapī hai phuul kī ḳhushbū tolī hai

dekh kar phuul ke aurāq pe shabnam kuchh log
tirā ashkoñ bharā maktūb samajhte hoñge

maiñ samajhtā thā mohabbat kī zabāñ ḳhushbū hai
phuul se log use ḳhuub samajhte hoñge

be-ḳhabar phuul ko bhī khīñch ke patthar pe na maar
ki dil-e-sañg meñ ḳhvābīda sanam hotā hai

na chhīn pā.egā mujh se koī nuqūsh-e-ḳhayāl
ye phuul mere haiñ ye shāḳh-sār merā hai

bahut se kāñTe gire phuul ban ke dāman meñ
guloñ kī zaat se jo fā.eda huā so huā

kabhī kabhī koī bhejtā hai nazar meñ chāhat kī phuul kaliyāñ
mohabbatoñ kā nasīb Thahrā kabhī kabhī kā udaas rahnā

bhare paḌe hue sab bāġh-o-rāġh the us din
galī meñ phuul gharoñ meñ charāġh the us din

kho ga.e kahāñ mere e.atibār ke rishte
kis ne bo diye kāñTe phuul se gharāne meñ

phuul par os kā qatra bhī ġhalat lagtā hai
jaane kyuuñ aap ko achchhā bhī ġhalat lagtā hai

yādoñ kī jaltī shabnam se
phuul sā mukhḌā dhoyā hogā